Аҧсны Аҳәынҭқарра Ахада

 

Ахада аӡбаратә ӡбамҭақәа рынагӡара иазкыз аилацәажәара мҩаҧигеит

31.10.2017

Ахада аӡбаратә ӡбамҭақәа рынагӡара иазкыз  аилацәажәара мҩаҧигеит

Жьҭаарамза 31 рзы Аҧсны Аҳәынҭқарра Ахада Рауль Ҳаџьымба аӡбаратә ӡбамҭақәа рынагӡара иазкыз аилацәажәара мҩаҧигеит.

Апрокурор хада ихаҭыҧуаҩ Гьаргь Аршба аилацәжаәара иалахәыз ирылеиҳәеит Пицунда-Мысратәи аҳәырҧсарра иаҵанакуа аҭыҧ аҟны изакәаным аргыларақәа инарымаданы Апрокуратура хада аӡбарҭақәа рышҟа ашшрақәа хәба шдәықәнаҵаз. Аҭагылазаашьақәа зегьы рганахьала ашшрақәа рыҭоуп акассациатәи (ахашшааратәи) ахылаҧшратәи ҧҟарақәа инарықәыршәаны.

Иреиҳаӡоу аӡбара аӡбамҭала Ҳагәышь Ерик Алеқсандр-иҧа ахылаҧшратә ашшра азыразраҟны мап ицәкын.

Иззашшыз Пациа Аслан Лиосик-иҧагьы, ихала аҳәырҧсарра иаҵанакуа аҭыҧ аҟны изакәаным аргыламҭа хирбгалеит.

Аӡбаратә нагӡаҩцәа рмаҵзура анапхгаҩы Зураб Барцыц иҳәеит Ҳагәышь Ерик Александр-иҧа изакәанымкәа иргылаз ахыбра ақәхразы аӡбамҭа анагӡара шымҩаҧысуа атәы.

Ашәарҭадара Ахеилак Ахантәаҩы Муҳамед Кьылба иаҵшьны иҳәеит Аҩныҵҟатәи аусқәа рминистрра аганахьала ауснагӡатәқәа зегьы рымҩаҧгара шаҭаху аӡбаратә ӡбамҭа анагӡара аҽны азинлеишәа ахылаҧшразы.

Ахада Аҧыза-министр напхгара зиҭо изықәнагоу аусбарҭақәа рнапы ианиҵеит абри аӡбаратә ӡбамҭа анагӡаразы иаҭаху ауснагӡатәқәа рымҩаҧгара.  



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT