Аҧсны Аҳәынҭқарра Ахада

 

Ахада инапы аҵаиҩит «Ахьӡ-Аҧша» аорден III аҩаӡара анашьаразы Аусҧҟақәа

17.10.2017

Жьҭаарамза 17 рзы Аҧсны Аҳәынҭқарра Ахада Рауль Ҳаџьымба инапы аҵаиҩит «Ахьӡ-Аҧша» аорден III аҩаӡара анашьаразы Аусҧҟақәа.

Аусҧҟақәа рыҟны, ҷыдала, иҳәоуп:

«Апедагогикатәи аҭҵаарадырратәи усураҟны илшамҭақәа рзы, зыквалификациа ҳараку акадрқәа разыҟаҵараҟны илагаламҭазы ҳаҭыр змоу Аҧснытәи аҳәынҭқарратә университет апрофессор Қьышьмариа Серапион Роман-иҧа ианашьазааит «Ахьӡ-Аҧша» аорден III аҩаӡара».

«Аҭҵаарадырраҟны иналукааша аихьӡара дуқәа рзы, Аҧсны Аҳәынҭқарраҟны иреиҳаӡоу аҵараиура арҿиараҟны хаҭалатәи илагаламҭа ду азы Хунагов Рашьыд Думали-иҧа ианашьазааит «Ахьӡ-Аҧша» аорден III аҩаӡара».

«Апедагогикатәи аҭҵаарадырратәи усураҟны рылшамҭақәа рзы, Аҧсны Аҳәынҭқарраҟны иреиҳаӡоу аҵараиура арҿиараҟны, зыкавалификациа ҳараку аспециалистцәа разыҟаҵараҟны рлагаламҭазы «Ахьӡ-Аҧша» аорден III аҩаӡара» ранашьазааит:

Гориачко Виачеслав Виачеслав-иҧа – М.В. Ломоносов ихьӡ зху Москватәи аҳәынҭқарратә университет аректор иабжьгаҩ;

Сиомин Николаи Владимир-иҧа – М.В. Ломоносов ихьӡ зху Москватәи аҳәынҭқарратә университет жәларбжьаратәи аимадарақәа рзы апроректор;

Черниаев Алеқсандр Пиотр-иҧа – М.В. Ломоносов ихьӡ зху Москватәи аҳәынҭқарратә университет акафедра аиҳабы».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT