Аҧсны Аҳәынҭқарра Ахада

 

Рауль Ҳаџьымба ацәыргақәҵа «Ҭагалан хьҩежь 2017» иалахәыз дырҧылеит

12.10.2017

Жьҭаарамза 12 рзы Аҧсны Аҳәынҭқарррра Ахада Рауль Ҳаџьымба жьҭаара 4 инаркны жьҭаара 7-нӡа Москва имҩаҧысуаз агроааглыхратә цәыргақәҵа «Ҭагалан хьҩежь 2017» иалахәыз дырҧылеит.

Ахада ацәыргақәҵа иалахәыз аҧсшәа реиҳәеит, иҭабуп ҳәагьы реиҳәеит қәҿиарала ацәыргақәҵа иахьаалахәыз азы.

Рауль Ҳаџьымба иазгәеиҭеит ацәыргақәҵа иалахәу акыр шықәса раахыс алҵшәақәа бзиақәа шрымоу, ари иааидкыланы аҳәынҭқарразы аҵак ду шамоу.

Аҳәынҭқарра Ахада иаҵшьны иҳәеит Аҧснынтәи ацәыргақәҵа иалахәыз ҳтәылаҿы иаадрыхуа зхаҭабзиара ҳараку аалыҵ шцәырыргаз. Рауль Ҳаџьымба иазгәеиҭеит сынтәа абри ацәыргақәҵа аҽалархәразы алшара аҧшаара шымариамыз.

«Аҳәынҭқарра ари аус знапы алаку адгылара рынаҭалароуп», - иҳәеит Ахада.

Урыстәылатәи Афедерациаҟны Аҧсны Аҳәынҭқарррра Ахәаахәҭратә хаҭарнак Олег Барцыц аҳәынҭқарра Ахада иҭабуп ҳәа иеиҳәеит иҟаиҵаз адкыларазы, иара убас ацәыргақәҵа амҩаҧысшьеи уи алахәцәеи ртәы далацәажәеит.

Уи иҳәеит Аҧсны Аҳәынҭқарра аекспозициа хыҧхьаӡара рацәала зчын ҳараку ауаа шаҭааз. Олег Барцыц иҳәеит ацәыргақәҵа алахәцәа адгылара бзиа шроуыз Ақыҭанхамҩа аминистр Даур Ҭарба, Аекономика аминистр Адгур Арӡынба, Ахада Иабжьгаҩ Амиран Лагәлаа, Урыстәылатәи Афедерациаҟны Аҷыдалкаатәи амчнаӡеи змоу Аҧсны ацҳаражәҳәаҩ Игор Ахба злаз Аҧснытәи аделегациа рыҟазаара.

Уи иаҵшьны иҳәеит акыр шықәса раахыс Аҧснынтәи ацәыргақәҵа иалахәу ацәыргақәҵатә усмҩаҧгатә аҟны аҧхьагылара змоу ируаӡәкны ишықәгыло. Иара иажәақәа рыла, аҧснытәи аалыҵқәа аныҳәатә чыс аҟаҵараан мишлен хәыҟаҵаҩцәа рыҟны хархәара шрымоу.

«Иарбанзаалак аихьӡара ҟалоит акоманда аус анауа», - иҳәеит Олег Барцыц.

Ахада иаҵшьны иҳәеит ихадараны ишыҟоу аалыҵ ахаҭабзиара, ари аус аҟны аҳәынҭқарра анаплакҩцәа ацхыраара рынаҭозароуп ҳәа.

Олег Барцыц аҳәынҭқарра Ахада инапы иаиркит ацәыргақәҵа иалахәыз иргаз аҧхьахә.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT