Аҧсны Аҳәынҭқарра Ахада

 

Владимир Путин идныҳәалара

07.10.2017

Жьҭаарамза 7 рзы Аҧсны Аҳәынҭқарра Ахада Рауль Ҳаџьымба Урыстәылатәи Афедерациа Ахада Владимир Путин ииубилеи идиныҳәалеит.

Адныҳәалара атекст аҟны иҳәоуп:

"Ҳаҭыр зқәу Владимир Владимир-иҧа!

Милаҭрацәала еилоу Аҧсны жәлар, аҳәынҭқарра анапхгара, хаҭала сара сҟынтә гәык-ҧсыкала ишәыдысныҳәаларц сҭахуп Шәымшира.

Урыстәылатәи Афедерациа Ахада имаҵзураҟны шәусура ашықәсқәа рыҩныҵҟа Урыстәыла адунеи ахьынӡанаӡааӡо аҭыҧ арҕәҕәара, Урыстәылатәи аҳәынҭқарра аполитикатәи арратәи мчра аизҳара, аекономика аҿиара, атәылауаа рыҧсҭазаара ахаҭабзиара аиҕьхара ирыдҳәалоу аҭоурыхтә еиҭакрақәа имҩаҧысит.

Иахьа урыстәылатәи ажәлар еидгылоуп, ртәыла иазгәдууп, ҧхьаҟатәи рҧеиҧшгьы агәра ргоит.

Аҧсуа жәлар рыҩныҵҟа ҳаҭыр дуӡӡа шәықәуп хаҭала Шәара ашәарҭадара, асоциалтә-економикатә ҿиара, Аҧсны Аҳәынҭқарра жәларбжьаратәи апозициа арҕәҕәаразы акрызҵазкуа азҵаарақәа рыӡбара ацхыраараҟны шәлагаламҭазы.

Аҧсны Аҳәынҭқарра Урыстәылатәи Афедерациеи иареи аҧхьаҟатәи ганрацәалатәи реизыҟазаашьақәа рырҕәҕәара, ҳҳәынҭқаррақәа рыбжьара аидгылареи астратегиатә усеицуреи рзы Аиқәшаҳаҭра харҭәааны анагӡара иашьҭоуп.

Абри амш ссир аҽны, ҳаҭыр зқәу Владимир Владимир-иҧа, ишәзеиҕьасшьоит агәабзиара, агәамч, Урыстәыла дуӡӡа амаҵзураҟны аихьӡарақәа ҿыцқәа".


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT