Аҧсны Аҳәынҭқарра Ахада

 

Рауль Ҳаџьымба Сербтәи Ареспублика Ахәаахәҭра-ааглыхратә палата аделегациа дырԥылеит

03.10.2017

Рауль Ҳаџьымба Сербтәи Ареспублика Ахәаахәҭра-ааглыхратә палата аделегациа дырԥылеит

Жьҭаарамза 3 рзы Аԥсны Аҳәынҭқарра Ахада Рауль Ҳаџьымба Сербтәи Ареспублика Ахәаахәҭра-ааглыхратә палата аделегациа дырԥылеит.

Ахада асасцәа аԥсшәа реиҳәеит.

«Ҳара ҳзы игәахәара дууп шәара Аԥсны шәахьаҭааз. Ишьақәыргәылоу ҳаимадарақәа наҟ-наҟ аҿиара роуп ҳәа агәыӷра сымоуп. Агәра згоит, ҳара зегьы аԥеиԥш лаша шаҳзыԥшу. Ҳажәларқәа ҟазшьала акыр еиԥшуп, ҳаилибакаап ҳәа сгәы иаанагоит», - иҳәеит Рауль Ҳаџьымба.

Аделегациа аиҳабы, Сербтәи Ареспублика Ахәаахәҭра-ааглыхратә палата ахада ихаҭыԥуаҩ Михаило Видич Аԥсны Аҳәынҭқарра Ахада иҭабуп ҳәа иеиҳәеит иахьидикылаз.

«Сербтәи Ареспубликеи Аԥсны Аҳәынҭқарреи ирыбжьоу аизыҟазаашьақәа рырӷәӷәаразы ас еиԥш аиԥыларақәа хымԥада иаҭахуп», - иҳәеит Михаило Видич.

Биелина ақалақь Аиҳабы Мичо Мичич Рауль Ҳаџьымба иеиҳәеит Аҟәа ақалақь Ахадеи иареи Аҟәа ақалақьи Биелина ақалақьи русеицуразы аиқәшаҳаҭра шрыбжьарҵаз.

Иара Аԥсны Аҳәынҭқарра Ахада Сербтәи Ареспублика даҭаарц ааԥхьара ииҭеит.

Аиԥылара ахыркәшамҭазы аганқәа агәаларшәагатә ҳамҭақәа еимырдеит.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT