Аҧсны Аҳәынҭқарра Ахада

 

Рауль Ҳаџьымба Шьамтәылатәи Жәлартә Хеилак аделегациа дырҧылеит

03.10.2017

Рауль Ҳаџьымба Шьамтәылатәи Жәлартә Хеилак аделегациа дырҧылеит

Жьҭаарамза 3 рзы Аҧсны Аҳәынҭқарра Ахада Рауль Ҳаџьымба Шьамтәылатәи Арабтә Республика Жәлартә Хеилак аделегациа дырҧылеит

Аҳәынҭқарра Ахада асасцәа аҧсшәа реиҳәеит.

«Бзиала шәаабеит. Ҳара ибзианы иаҳдыруеит Шьамтәыла имҩаҧысуа апроцессқәа. Ҳара ҳзы акраҵанакуеит аиаша ашьақәгылара», - иҳәеит Рауль Ҳаџьымба.

Ахада иазгәеиҭеит, Аҧсны жәлар шьамтәалтәи ажәлар рхьаа шрыцеиҩыршо. Рауль Ҳаџьымба иаҵшьны иҳәеит ихьыҧшым аҳәынҭқарра Мраҭашәареи Еиду Америка Аштатқәеи рганахьала анырразы иҟарҵо аҽазышәарақәа ҟалашьа шрымам.

«Ҳара агәахәара ҳнаҭоит Шьамтәыла аҭагылазаашьа аҽеиҭакра иахьаҿу. Шьамтәылатәи ар атәыла ақәылаҩцәа рыцәгаразы аусура мҩаҧнагоит», - иҳәеит Ахада.

Аҳәынҭқарра Ахада иазгәеиҭеит Шьамтәылатәи Арабтә Республика Урыстәылатәи Афедерациа аганахьала иаиуа ацхыраара атәы. Рауль Ҳаџьымба иаҵшьны иҳәеит Урыстәыла аҩызцәеи ҳареи аизыҟазаашьақәа ҳбжьаҵара акыр шаҵанакуа Аҧсны азы.

«Сара сгәы иаанагоит Шьамтәыла аҭынчра шьақәгылоит ҳәа лассы, ареспублика аиҳабырагьы Урыстәыла ажәлар ишырҭаху инақәыршәаны аизыҟазаашьақәа рышьақәыргылара иалагоит ҳәа», - иҳәеит Ахада.

Рауль Ҳаџьымба иазгәеиҭеит Аҧсны жәлар рзы акыр шаҵанакуа 1992-1993 шш. Аџьынџьтәылатә еибашьраҟны Аиааира 24 шықәсахыҵра аныҳәа азгәаҭара амшқәа рзы шьамтәылатәи аделегация Аҧсны иахьаҭааз. Ахада иаҵшьны иҳәеит уаанӡа аизыҟазаашьақәа ҳдиаспора инарыдҳәаланы ашьақәыргылара мҩаҧысуазҭгьы, иахьа иҿыцу аҩаӡара змоу аизыҟазаашьақәа ртәы ҳҳәоит.

Аелегациа анапхгаҩы, Шьамтәылатәи Арабтә Республика Жәлартә Хеилак анапхгаҩы Санаа Або Заид Ахада иҭабуп ҳәа иалҳәеит имҩаҧгаз аиҧыларазы, Шьамтәыла ажәлар рзы азеиҕьашьарақәа рзы иҭабуп ҳәа иеиҳәеит.

«Жәлартә Хеилак, Аиҳабыра, Шьамтәыла ажәлар рыхьӡала Аиааира Амш шәыдаҳныҳәалоит. Рыхьӡ кашәара ақәымзааит иҭахаз», - иҳәеит Санаа Або Заид.

Уи илҳәеит аделегациеи Аҧсадгьыл архынҳәразы Аилак анапхгареи Аҧсны жәлар Реизара - Апарламент адепутатцәеи шеиҧылаз.

Санаа Або Заид иаҵшьны илҳәеит Аҧсны жәлар Шьамтәыла ажәлар акыр ишырзааигәоу.

«Ҳгәы иаанагоит ҳтәылақәа рыбжьара аизыҟазаашьақәа еиҳа инарҭбааны ишьақәгылоит ҳәа», - иацҵаны илҳәеит лара.

Рауль Ҳаџьымба иҳәеит Шьамтәыла ажәлар зҭагылоу аҧышәарақәа зегьы ириаауеит ҳәа агәра шиго, ҳара имгакәангьы аиааира агара шрылшо.

«Аманшәалара, еиҳаракгьы, аиааира агара шәзеиҕьасшьоит», - иҳәеит Ахада.

Аиҧылара ахыркәшара анаҩс аганқәа агәалашәаратә ҳамҭақәа еимырдеит.  

IMG_9225.JPG

IMG_9232.JPG


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT