Аҧсны Аҳәынҭқарра Ахада

 

Ахада атеннистә турнир «Аҧсуа хылҧа ду» аркра даҭааит

01.10.2017

Жьҭаарамза 1 азы Аҧсны Аҳәынҭқарра Ахада Рауль Ҳаџьымба Гагра имҩаҧысуаз XVI атеннистә турнир «Аҧсуа хылҧа ду» даҭааит.

Ахада атурнир аҟны аиааира згази уи иалахәызи аҧсшәа реиҳәеит.

«Ҳара ҳзы асимволтә ҵакы амоуп арҭ аицлабрақәа Аиааира Амш аҽны раартра ахьымҩаҧысыз. Абзиарақәа шәзеиҕьасшьоит, Аҧсны есқьынгьы ишәзыҧшуп. Ари атурнир иацҵахароуп. Агәра ганы сыҟоуп ари аспорттә усмҩаҧгатә есқьынгьы адгылара шаиуа азы»,- иҳәеит Ахада.

Аусмҩаҧгатә ахыркәшара анаҩс, атурнир аиҿкааҩ, Урыстәылатәи Афедерациа аҳәынҭқарратә Дума адепутат, ИАР иалахәу атәылақәа ринститут адиректор Константин Затулин Ахада агәалашәаратә ҳамҭа ианеишьеит.

Атурнир еиҿкаан атеннистә клуб «Ахылҧа Ду», Иу.А. Гагарин ихьӡ зху акосмонавтцәа ртеннистә клуби рыла, ИАР иалахәу атәылақәа ринститут, Аҧсны Ахада, Гагра араион Анапхгара, Шәача ақалақь Анапхгара АЕ «Ростех», ЗҲӘА «Рособоронекспорт», АЕ «Роскосмос», УА Ақыҭанхамҩа аминистрра, Краснодартәи атәылаҿацә Белореченсктәи араионтә напхгара иарҭаз адгылареи ирыбзоураны.    

22163985_10211774504055768_387458184_o.jpg


22197760_10211774504215772_2036326178_o.jpg


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT