Аҧсны Аҳәынҭқарра Ахада

 

Рауль Ҳаџьымба Урыстәыла адесантцәа дырԥылеит

29.09.2017

Рауль Ҳаџьымба Урыстәыла адесантцәа дырԥылеит

Цәыббрамза 29 рзы Аҧсны Аҳәынҭқарра Ахада Рауль Ҳаџьымба Урыстәыла адесантцәа дырҧылеит

Аҳәынҭқарра Ахада Урыстәыла аинрал-аполковник, Адесантуаа Реидгыла, Асовет Еидгыла афырхаҵа Валери Востротин; аинрал-аполковник, Урыстәыла Адесантцәа Реидгыла анаҧшратә хеилак Ахантәаҩы, Аҧсны Афырхаҵа, Аҳауа десанттә архәҭақәа рзы арратә инспектор хада Александр Чиндаров; аполковник, Урыстәыла Адесантуаа Реидгыла Хада иалахәу, Леон Иорден занашьоу Фаргат Сафнуллин дырҧылеит.

Ахада Аиааира Амш иазку адныҳәалара идикылеит.

«Ҳара ҳааит Шәаргьы Аҧсны жәлар зегьы Аиааира Амш шәыдныҳәаларазы», - иҳәеит аинрал-аполковник, Аҧсны Афырхаҵа Александр Чиндаров.

Аҳәынҭқарра Ахада асасцәа бзиала шәаабеит ҳәа реиҳәеит, адныҳәаларақәа рзы иҭабуп ҳәагьы реиҳәеит.

«Ара шәбара сеигәырҕьоит. Ҳаидызкыло рацәоуп. Урыстәылатәи аофицерцәа иҟарҵаз зегьы ҳара ҳзы аҵак дуӡӡа амоуп», - иазгәеиҭеит Рауль Ҳаџьымба.

Аҧсны Аҳәынҭқарра Ахада иаҵшьны иҳәеит урыстәылатәи ар есқьынгьы адунеи ахьынӡанаӡааӡо еиуеиҧшым аҭыҧқәа рыҟны аҭынчра ахьчаразы ишгылоу.

«Рыхьӡ кашәара ақәӡам ари адгьыл аҿы аҭынчра зхы ақәызҵаз зегьы. Ҳара зыҧсы ҭоу зегьы иахьа уи аҭынчра аиқәырхара, аихаҳара ҳаҿызароуп», - иҳәеит аҳәынҭқарра Ахада.

Ахада иаҵшьны иазгәеиҭеит аҳәынҭқарра аигылареи арҿиареи мҩаҧысуазароуп ҳәа аҳәынҭқарреи уи атәылауааи ршәарҭадара хьчо ҳәа.

Уи иазгәеиҭит Аҧсны Аҳәынҭқарра адгылара азҭо аҩызцәа шамоу.

«Ар рҿы иҟоуп аҳәынҭқарра аинтересқәа инарываргыланы зҩызцәагьы зҿлымҳара ду рызҭо. Ҳара ара Аҧсны ари аиҩызара ҳазгәдууп», - иҳәеит Рауль Ҳаџьымба.

Аиҧылараан Рауль Ҳаџьымба ианаршьеит Урыстәылатәи Афедерациа Аҩныҵҟатәи аусқәа рминистрра аҳамҭа «Ауалҧшьа аиламгаразы».



Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT