Аҧсны Аҳәынҭқарра Ахада

 

Рауль Ҳаџьымбеи Вадим Красносельскии Аиҩызареи, аусеицуреи, апартниорреи рзы аиқәшаҳаҭра рнапы аҵарҩит

29.09.2017

Рауль Ҳаџьымбеи Вадим Красносельскии Аиҩызареи, аусеицуреи, апартниорреи рзы аиқәшаҳаҭра рнапы аҵарҩит

Цәыббрамза 29 рзы Аԥсны Аҳәынҭқарра Ахада Рауль Ҳаџьымбеи Приднестровиатәи Молдавиатәи Ареспублика Ахада Вадим Красносельскии Аԥсны Аҳәынҭқарреи Приднестровиатәи Молдавиатәи Ареспубликеи рыбжьара Аиҩызареи, аусеицуреи, апартниорреи рзы аиқәшаҳаҭра рнапы аҵарҩит.

Гәдоуҭа араион Ахадара аиҳабы Руслан Ладариеи Приднестровиатәи Молдавиатәи Ареспублика Дубоссартәи араиони Дубоссары ақалақьи Рҳәынҭқарратә напхгара аиҳабы Руслан Чабани рнапы аҵарҩит Аԥсны Аҳәынҭқарра Гәдоуҭа араиони Приднестровиатәи Молдавиатәи Ареспублика Дубоссартәи араиони Дубоссары ақалақьи Рҳәынҭқарратә хадареи рыбжьара Ахәаахәҭра-економикатәи, аҭҵаарадырра-техникатәи, акультуратәи усеицуразы аиқәшаҳаҭра.

Адокументқәа анапы рыҵаҩуп Приднестровиатәи Молдавиатәи Ареспублика Ахада цәыббрамза 28 инаркны жьҭаарамза 1-нӡа имҩаԥысуа иусутә визит аҳәаақәа ирҭагӡаны. Приднестровиатәи Молдавиатәи Ареспублика Ахада Вадим Красносельски напхгара зиҭо аделегациа алахәуп 1992-1993 шш. Аԥсны Аџьынџьтәылатә еибашьраан игаз Аиааира 24 шықәса ахыҵра иадҳәалоу аумҩаԥгатәқәа.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT