Аҧсны Аҳәынҭқарра Ахада

 

Аҧсны Ахада аинрал-леитенант Валери Асапов иуацәеи иҭынхацәеи дрыдышшылеит

26.09.2017

Цәыббрамза 26 рзы Аҧсны Аҳәынҭқарра Ахада Рауль Ҳаџьымба Шьамтәылатәи Ареспублика Деир ез-Зор ақалақь ахақәиҭтәразы имҩаҧысуаз аоперациаан иҭахаз урыстәылатәи аинрал леитенант Валери Асапов иуацәеи иҭынхацәеи дрыдышшылеит.

***

Ҳара гәалсра дула иҳадаҳкылеит Шьамтәылатәи Ареспублика Деир ез-Зор ақалақь ахақәиҭтәразы имҩаҧысуаз аоперациаан иҭахаз урыстәылатәи аинрал-леитенант Валери Асапов иҭахара.

Валери Асапов Аҧсны дырдыруеит апатриот иаша, ақәнага иазықәҧоз аӡәы иаҳасабала.

Уи 2000 шықәсазы Аҧсны иҟаз абжьаҟазаратә мчқәа ирылаз хазы иҟоу 345-тәит апарашиут-десанттә полк аомандаҟаҵаҩ ихаҭыҧуаҩыс дҟаҵан, 2001 шықәсазы аполковникеиҵбы 10-тәи апарашиут-десанттә полк акомандаҟаҵаҩыс дҟалоит. 2002 шықәсазы напхгара аиҭоит Кәыдрытәи аҩхаа ахақәиҭтәразы идыртәаз адесант. Валери Асапов Аҧсны ахақәиҭразы илшамҭақәа ҳажәлар ргәалашәараҿы иаанхоит.

Уи аҭынчра азықәҧаразы иус иациҵеит шьамтәыла жәлар атерроризм иаҿагыланы рықәҧараҟны ацхыраара рыҭо. Деир ез-Зор ақалақь ахақәиҭтәразы имҩаҧысуаз аоперациаан ИГИЛ ацәгьоуцәа рқәылараан Валери Асапов дҭахоит.

Аҧсны жәлари сара хаҭалеи гәалсра дула аинрал-леитенант Валери Асапов иуацәеи иҭынхацәеи срыдышшылоит, ирзеиҕьасшьоит ахачҳареи агәамчи.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT