Аҧсны Аҳәынҭқарра Ахада

 

Рауль Ҳаџьымба Приднестровиатәи Молдавиа Ареспублкиа Ахада Вадим Красносельски диҧылоит

26.09.2017

Цәыббрамза 28 инаркны жьҭаарамза 1-нӡа Приднестровиатәи Молдавиа Ареспублкиа Ахада Вадим Красносельски Аҧсны Аҳәынҭқарра усуратә визитла даҭаараны дыҟоуп.

Цәыббрамза 28 рзы Рауль Ҳаџьымбеи Вадим Красносельскии аиҿцәжәарақәа мҩаҧыргоит. Иазҧхьагәаҭоуп ҩ-ганктәи аусеицура аҭагылазаашьеи уи аҧеиҧши, иара убас аҧсны-приднестровиатәи аизыҟазаашьақәа аҧхьаҟатәи рыҿиара азҵаарақәа рылацәажәара.

Приднестровиатәи Молдавиа Ареспублкиа Ахада напхгара зиҭо аделагциа иалахәуп Адәныҟатәи аусқәа рминистр Витали Игнатиев, Дубоссартәи араиони Дубоссары ақалақь Аҳәынҭқарратә администрациа Ахада, Приднестровиатәи Молдавиа Ареспублкиа Ахада Иусбарҭа Анапхгаҩы ихаҭыҧуаҩ Алексеи Пакулич.

Приднестровиатәи Молдавиа Ареспублкиа Ахада напхгара зиҭо аделагциа 1992-1993 шш. Аҧсны Жәлар рџьынџьтәылатә еибашьра 24 шықәса ахыҵра иазку аныҳәатә усмҩаҧгатәқәа рыҽрыладырхәуеит.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT