Аҧсны Аҳәынҭқарра Ахада

 

Ахада Баслахә ақыҭан иеиҭашьақәыргылаз ашкол аартра далахәын

25.09.2017

Ахада Баслахә ақыҭан иеиҭашьақәыргылаз ашкол аартра далахәын


<p><b>Цәыббрамза 25 рзы Аԥсны Аҳәынҭқарра Ахада Рауль Ҳаџьымба Очамчыра араион Баслахә ақыҭан иеиҭашьақәыргылоу абжьаратә школ аартра далахәын.</b></p>

<p>Ахада Баслахә ақыҭауааи ашкол арҵаҩцәеи аҵаҩцәеи аԥсшәа реиҳәеит.</p>

<p>«Иаҭаху зегь ҟаҵоуп ҳәа ҳазҳәом. Макьана аӡбара зҭаху азҵаарақәа рацәоуп. Аха, агәра шәсыргоит, ашкол хылаԥшрада ишаанымхо. Ара аргыларатә усурақәа мҩаԥган араион иалшаз афинанстә цхыраара иабзоураны.</p>

<p>Ҳаԥхьа ишьҭоу анагӡатәқәа маҷым. Аха иахьазы ахәыҷқәа рышкол аҿы ишақәнагоу еиԥш аҵара рылшартә аҭагылазаашьақәа рзаԥҵоуп.</p>

<p>Шәара ҳҳәынҭқарра ԥхьаҟатәи аԥеиԥш зхьыԥшу аҵеира шәоуп. Аҵара бзианы ишәҵала. Аманшәалареи агәабзиареи шәзеиӷьасшьоит», - иҳәеит Ахада ашкол аартра ацеремониаҟны иқәгылараан.</p>

<p>Ашкол адиректор Асида Ԥачлиа иазгәалҭеит раԥхьатәи аҵарамш азы ахәыҷқәа ргәалаҟара шыбзиаз, иеиҭашьақәыргылоу акласстә уадақәа игәырӷьаҵәа ишрыҩналаз. Иара убасгьы Аҳәынҭқарра Ахадеи Очамыра араион ахадареи иҟарҵо адгыларазы иҭабуп ҳәа ралҳәеит.</p>


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT