Аҧсны Аҳәынҭқарра Ахада

 

Ахада аррамаҵурахьы атәылауаа рааԥхьаразы Аусԥҟа инапы аҵаиҩит

25.09.2017

Цәыббрамза 22 рзы Аԥсны Аҳәынҭқарра Ахада Рауль Ҳаџьымба «2017 шықәса жьҭаарамза-ԥхынҷкәынмза рзы Аԥсны Аҳәынҭқарра аррамаҵура зықәнагоу рааԥхьареи ааԥхьарыла аррамаҵура иахысуа атәылауаа рхы рақәиҭтәреи» азы Аусԥҟа инапы аҵаиҩит.

Аусԥҟаҟны, ҷыдала, иҳәоуп:

«Аԥсны Аҳәынҭқарра 2014 шықәса лаҵарамза 06 рызтәи «Арратә ҭакԥхықәреи аррамаҵуреи рзы» Азакәан № 3498-с-V, 2006 шықәса ажьырныҳәамза 04 рызтәи «Атәылахьчаразы» Азакәан № 1224-с-XIV инрықәыршәаны:

1. Аԥсны Аҳәынҭқарра атәылауаа, зықәра 18 инаркны 27 шықәса рҟынӡа зхыҵуа, ԥхьатәара иҟам, аррамаҵура иадԥхьалам 2017 шықәса жьҭаарамза 1 инаркны ԥхынҷкәынмза 31 рҟынӡа иааԥхьазааит.

2. Зыррамаҵура аҿҳәара нҵәахьоу аруаа аррамаҵураҟынтәи рхы иақәиҭтәзааит.

3. Аԥсны Аҳәынҭқарра Аминистрцәа Реилазаара, ақалақьқәеи араионқәеи рхадарақәа Аԥсны Аҳәынҭқарра атәылауаа аррамаҵурахьы рааԥхьареи аррамаҵураҟынтәи рхы рақәиҭтәреи ирыдҳәалоу аусмҩаԥгатәқәа нхарҭәааны рынагӡара алдыршааит».


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT