Аҧсны Аҳәынҭқарра Ахада

 

Ахада Дмитри Медведев имшира идиныҳәалеит

14.09.2017

Цәыббрамза 14 рзы Аҧсны Аҳәынҭқарра Ахада Рауль Ҳаџьымба Урыстәылатәи Афедерациа Аиҳабыра Ахантәаҩы Дмитри Медведев имшира идиныҳәалеит.

***

Аҧсны иқәынхо ажәлар зегь рыхьӡалеи сара хаҭалеи ишәыдысныҳәалоит шәымшира. Иазгәаумҭарц залшом Шәара ажәларқәа реизбзиареи аигәыларатә еизаҟазашьаа ҧхақәеи рышьақәыргыларазы, аекономикатәи, азинтәи, акультуратәи еимадарақәа рыбжьаҵаразы ҧымкрада иҟашәҵо алагала. Шәара Урыстәылатәи Афедерациа Ахадас шәаныҟаз аамҭазоуп шәтәыла Аҧсны исуверентәу, ихьыҧшым ҳәынҭқарраны ианазханаҵа, раҧхьатәи ҩ-ганктәи аиқәшаҳаҭрақәа анапы анрыҵаҩыз, наҟ-наҟтәи аҳәынҭқаррабжьаратә еизыҟазаашьақәа рыҿиаразы иҵоуроу ахырхарҭақәа аналхыз. Агәра ганы сыҟоуп аҧхьаҟагьы ҳусеицуреи ҳаидгылареи ирылҵшәаны аҧсуа-аурыс еимадарақәа иеиҳау аҩаӡарахь рнагара шалыршахо.

Ҳаҭыр зқәу Дмитри Анатоли-иҧа! Ари амш азы ишәзеиҕьасшьар сҭахуп аҭынчра, аизҳазыҕьара, агәабзиара зҩыда!


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT