Аҧсны Аҳәынҭқарра Ахада

 

Ахада Аедыгтәылатәи аибашьцәа дырҧылеит

10.09.2017

Ахада Аедыгтәылатәи аибашьцәа дырҧылеит

Цәыббрамза 10 рзы Аҧсны Аҳәынҭқарра Ахада Рауль Ҳаџьымба Маиҟәаҧ 1992-1993 шш. Аҧсны Жәлар рџьынџьтәылатә еибашьраҟны Аедыгтәылатәи хатәгәаҧхаралатәи аибашьцәа дырҧылеит

Рауль Ҳаџьымба Аедыгтәылатәи хатәгәаҧхаралатәи аибашьцәа реидгыла ахаҭарнак Каплан Куижев аҧсшәа иеиҳәеит.

«Ҳаҭыр зқәу Рауль Џьумка-иҧа, ҳадгьыл аҟны шәбара ҳаигәырҕьоит. Шәара ҳаизыҟазаашьа аиҭеиразы иашәҭаз ахырхарҭа ҿыц ҳара гәахәарыла иҳадаҳкылеит. Аҧхьаҟагьы шәареи ҳареи ҳусеицура адагьы Аҩадатәи Кавказ егьырҭ ареспубликақәа зегьы аус рыцура алҵшәа аиуп ҳәа ҳгәы иаанагоит», - иҳәеит Каплан Куижев.

Ахада иазгәеиҭеит Аҧсни Аҩадатәи Кавкази реимадара аҕәҕәахара аҵак ду иамоу.

«Ҳара ҳзы акраҵанакуеит Аҩадатәи Кавказ зегьи Аладатәи Урыстәылеи, аамҭа хьанҭақәа риаан иҳадгылаз зегьи ҳареи иҳабжьаз рымадара мырӡкәа арҕәҕәара. Иҟаҵоугьы мырӡкәа абиҧара ҿыцқәа рахь ииагатәуп. Ари иацгьы ҳалацәажәон Аедыгтәыла анапхгареи ҳареи.

Аҧсны – ихьыҧшым ҳәынҭқарроуп, уи ахақәиҭразы шәеибашьуан шәара, зхы ақәызҵазгьы рацәаҩуп. Ҳара есқьынгьы ҳаидгылазароуп, ҳаизыҟазаашьақәа аҧхьаҟагьы иҿиалароуп», - иҳәеит Ахада.

Аҧсны Ахадеи хатәгәаҧхаралатәи аибашьцәа реидгыла ахаҭарнакцәеи Аҧсни Аедыгтәылеи рыбжьара акультуратә, аспорттә, жәларбжьаратәи аполитика, аинформациатә еизыҟазаашьақәа рышьақәырҕәҕзаразы мҩақәас иҟоу азы ргәаанагарақәа еибырҳәеит.

Каплан Куижев хатәгәаҧхаралатәи аибашьцәа рыхьӡала Ахада аиҧыларазы иҭабуп ҳәа иарҳәеит.

«Иҭабуп аиҧыларазы. Шәара аибашьраҿы иҳадгылаз ҩызак иаҳсабала ҳшәыхәаҧшуеит. Уажәы иазгәаҳҭаз аус бзиақәа рыҟаҵара»,- иҳәеит иара.

Ахада иазгәеиҭеит аус аы иҟаҳҵо Аҩадакавказтәи ареспубликақәеи ҳареи ҳусеицура арҭбаара ишацхраауа.

«Раҧхьатәи ашьаҿақәа иаҳдырбоит иалаҳхыз ахырхарҭа шиашоу, уи егьырҭгьы ари аус иаднаҧхьалоит»,- иазгәеиҭеит Ахада.

Цәыббрамза 9 инаркны цәыббрамза 10-нӡа Рауль Ҳаџьымба Аедыг Республика дыҟоуп ареспублика Ахада аин Мураҭ Кумпилов ииҭаз ааҧхьарала Аҳәынҭқарра Ахада имаҵура аанкылара иазкыз аусмҩаҧгатә алахәхаразы. Аҧсны Ахада ивизит аан дицуп Аҧсны Аҳәынҭқарра Адәныҟатәи аусқәа рминистр Даур Ақаҩба.

АИХ рзы ацҳамҭа Ахада ипресс-маӡаныҟәгаҩ Наала Аҩӡыҧҳа лыҟнытә.

IMG_7581.JPG


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT