Аҧсны Аҳәынҭқарра Ахада

 

Ахада Ҟабарда-Балкариатәи Ареспубликеи Аедыг Республикеи рахь аҳәаанырцәтә ныҟәарақәа мҩаԥигараны дыҟоуп

06.09.2017

Цәыббрамза 7 инаркны 10-нӡа Аԥсны Аҳәынҭқарра Ахада Рауль Ҳаџьымба Ҟабарда-Балкариатәи Ареспубликеи Аедыг Республикеи рахь аҳәаанырцәтә ныҟәарақәа мҩаԥигараны дыҟоуп.

Цәыббрамза 8 рзы, Ҟабарда-Балкариатәи Ареспублика Ахада Иури Коков иааԥхьарала, Аԥсны Аҳәынҭқарра Ахада Рауль Ҳаџьымба ихы рылаирхәуеит Ҟабарда-Балкариатәи Ареспублика Аҳәынҭқарра амш иазку агәырӷьаратә усмҩаԥгатәқәа.

Аныҟәарақәа рҳәаақәа ирҭагӡаны Рауль Ҳаџьымбеи Иури Кокови реиԥылара мҩаԥысуеит.

Цәыббрамза 10 рзы, Аедыг Республика Ахада аамҭала инапынҵақәа назыгӡо Мураҭ Кумпилов иааԥхьарала, Аԥсны Аҳәынҭқарра Ахада Рауль Ҳаџьымба ихы алаирхәуеит Аедыг Республика Ахада имаҵураҭыҧ аанкылара иазку аусмҩаҧгатә.

Аныҟәарақәа рҳәаақәа ирҭагӡаны, Рауль Ҳаџьымбеи Мураҭ Кумпилови реиԥылара мҩаԥысуеит.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT