Аҧсны Аҳәынҭқарра Ахада

 

Ахада Аҧснытәи аҧсылманцәа ирыдиныҳәалеит Курбан-баирам

01.09.2017

Цәыббрамза 1 азы Аҧсны Аҳәынҭқарра Ахада Рауль Ҳаџьымба Аҧсны иқәынхо аҧсылманцәа Курбан-баирам рыдиныҳәалеит.

***

Акыр иаҧсоу ҳауаажәлар!

Аҧсылман иашахаҵара ныҟәызго зегьы гәык-ҧсыкала ишәыдысныҳәалоит Курбан-баирам дуӡӡа.

Ҭоурыхла ус ишьақәгылеит, Аҧсны зинеиҟарала лахьынҵак рыманы иахьеицынхо иеиуеиҧшым адинхаҵарақәа рхаҭарнакцәа, Курбан-баирам иахьа аҧсылманцәа рымацара ирныҳәаны иҟаӡам, ари амш иахьа ныҳәаҵас ирыдыркылоит Аҧсны атәылауаа зегьы.

Абри аҽны ихыркәшахоит хаџ, иҧшьоу Мекка аҭаара. Курбан-баирам аҧсылманцәа рзы акырӡа зҵазкуа ныҳәоуп, избан акәзар иара арыцҳаибашьара, ҳатыреиқәҵара, аҭаацәарақәа рыҟны аҳәоуеиқәшәара иазкуп, ауаа еизааигәанатәуеит, анцәахаҵара арҕәҕәоит.

Гәыкала ишәзеиҕьасшьоит агәабзиара, аманшәалара, аҭынчра,.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT