Аҧсны Аҳәынҭқарра Ахада

 

Ахада Бако Саакиан имшира идиныҳәалеит

30.08.2017

Нанҳәамза 30 рзы Аҧсны Аҳәынҭқарра Ахада Рауль Ҳаџьымба Арцах Ареспублика Ахада Бако Саакиан имшира идиныҳәалеит.

***

Ҳаҭыр зқәу Бако Саак-иҧа!

Ишәыдысныҳәалоит Шәымшира! Ҳажәлар зегьы рыхьӡала азеиҕьашьара ҧхақәа шәыдышәкыл!

Шәара иуадаҩу аамҭақәа рзы шәҳәынҭқарра напхгара злазыжәуа ала, дарбанзаалак шәтәыла иқәынхо ауаҩы иҧсҭазаара аиҕьтәра шәымчи шәдырреи зегь азышәкуеит, ааҧсарак ҟамҵакәа ихьыҧшым, идемократиатәу, азинтә ҳәынҭқарра аргылара шәаҿуп.

Ааигәа аҧсуа делегациа Арцах Ареспублика аҭаареи имҩаҧысыз «Аилибакааразы амеморандум» анапаҵаҩреи ҳтәылақәа реимадарақәа рыҩаӡара шыҳараку азы шаҳаҭра ауеит. Агәра згоит, ҳаҩҳәынҭқаррак ирыбжьоу аиашьаратә еизыҟазаашьақәа аҧхьаҟагьы аҿиара роуеит ҳәа.

Ҳаҭыр зқәу Бако Саак-иҧа! Ишәзеиҕьасшьоит агәабзиара, аманшәалара, иаанышәкыло аҳәынҭқарратә маҵураҭыҧ ҳарак аҟны аихьӡарақәа.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT