Аҧсны Аҳәынҭқарра Ахада

 

Рауль Ҳаџьымба Тҟәарчал ақ. аҟны арҽеиратә усурақәа ахьымҩаҧысуа ахәшәтәырҭа дахәаҧшит

16.08.2017

Нанҳәамза 16 рзы Аҧсны Ахада Рауль Ҳаџьымба Тҟәарчал ақ. аҟны арҽеиратә усурақәа ахьымҩаҧысуа ахәшәтәырҭа дахәаҧшит

Аҳәынҭқарра Ахада иаҵшьны иҳәеит апроекттә-харџьынҵатә документациа ала иазгәаҭоу арҽеиратә усурақәа рымҽхак зегьы амҩаҧгара ишаҿу.

«Арҽеиратә усурақәа иаҵамхакәа амҩаҧысра иаҿуп. Абетонтә дашьма аҭарҭәара иалагахьеит, ашьыхрақәа кыдхуп, мышқәак рыла ахыбра иалагоит. Имҩаҧысуа арҽеиратә усурақәа рхаҭабзиара ҳаракхоит ҳәа сгәы иаанагоит», - иҳәеит Ахада.

Рауль Ҳаџьымба иацҵаны иҳәеит аусурақәа ҽааны рхыркәшара шазгәаҭоу.

«Ахәшәтәырҭа зхаҭабзиара ҳараку амедицинатә мыругақәа рыла еиқәыршәахоит», - иҳәеит аҳәынҭқарра Ахада.

Тҟәарчалтәи ахәшәтәырҭа арҽеира мҩаҧысуеит Аҧсны 2015 – 2017шш. Асоциалтә-економикатә ҿиара ацхыраара аҭаразы аинвестициатә программа инақәыршәаны.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT