Аҧсны Аҳәынҭқарра Ахада

 

Ахада иҭахаз атуристцәа рҭаацәа дрыдышшылеит

03.08.2017

Нанҳәамза 3 рзы Аҧсны Аҳәынҭқарра Ахада Рауль Ҳаџьымба нанҳәамза 2 рзы Атәылахьчара аминистрра иатәу аџьаҧҳанышьҭаҵарҭаҟны иҟалаз аҧжәара иахҟьаны иҭахаз ҩыџьа атуристцәа рыуацәеи рҭынхацәеи дрыдышшылеит.

Адышшылара атекст аҟны, ҷыдала, иҳәоуп:

«Аҧсны Аҳәынҭқарраҟны гәалсра дула ирыдыркылеит Атәылахьчара аминистрра иатәу аџьаҧҳанышьҭаҵарҭаҟны иҟалаз аҧжәара иахҟьаны иҭахаз ҩыџьа урыстәылатәи атуристцәа рҭахара. Аҧсны жәлар рылахь еиқәнаҵеит иҭахаз ауааҧсыразы ираҳаз ажәабжь.

Аҧсны жәлар рыхьӡала, сара хаҭала гәыкала гәалсрыла срыдышшылоит иҭахаз рыуацәеи рҭынхацәеи, ааха зауыз зегьы ирзеиҕьасшьоит агәабзиара». 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT