Аҧсны Аҳәынҭқарра Ахада

 

Ахада Альмир Абрегов иҧсҭазаара дахьалҵыз азы иҭаацәа дрыдышшылеит

01.08.2017

Нанҳәамза 1 азы Аҧсны Аҳәынҭқарра Ахада Рауль Ҳаџьымба иеицырдыруа аҵарауаҩ, зыхьӡ нагоу ауаажәларратә усзуҩ, “Ахьӡ-Аҧша” аорден ахҧатәи аҩаӡара занашьоу Альмир Абрегов иҧсҭазаара дахьалҵыз азы иҭаацәа дрыдышшылеит.

***

Гәалсра дула исыдыскылеит аҵарауаҩ ду, ауаажәларратә усзуҩ нага Альмир Нух-иҧа Абрегов иҧсҭазаара иалҵра.

Иара аҧсуа жәлар рмилаҭтә-хақәиҭратә қәҧарахьы илагала ахә ҳаракны ишьатәуп, Адыгеиатәи Ареспубликаҟны Адыге Хасэ арҕәҕәарагьы аџьабаа ду адиҵеит, Кавказ ашьхарыуа жәларқәа Рассамблеиеи Жәларбжьаратәи ачерқьес ассоциациеи рышьақәгыларазы илиршаз рацәоуп. Альмир Нух-иҧа Абрегов кавказҭҵаареи аҧсуа-адыга аиашьаратә еимадарақәеи рырҿиаразы илагалазы Аҧсны Аҳәынҭқарра Раҧхьатәи Ахада В.Г. Арӡынба Иусҧҟала “Ахьӡ-Аҧша” аорден ахҧатәи аҩаӡара ианашьан.

Аҵарауаҩ ду, зџьынџь иаҵеи лашоу ауаҩ иаша игәалашәара аҿаҧхьа схырхәоит.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT