Аҧсны Аҳәынҭқарра Ахада

 

Ахада моторк змоу аурыс ҳаирплан Пицунда акаҳара иазкыз аилатәара мҩаҧигеит

28.07.2017

Ахада моторк змоу аурыс ҳаирплан Пицунда акаҳара иазкыз аилатәара мҩаҧигеит

Ҧхынгәымза 28 рзы Аҧсны Аҳәынҭқарра Ахада Рауль Ҳаџьымба ҧхынгәымза 27 рзы Пицунда иҟалаз моторк змоу аурыс ҳаирплан акаҳара иазкыз аилатәара мҩаҧигеит.

Урыстәылатәи Афедерациа атәылауаа хҩык рҭахара зыхҟьаз моторк змоу аурыс ҳаирплан ҧхынгәымза 27 рзы Пицунда акаҳара ахҭыс Аҧсны Аҳәынҭқарра Атранспорттә прокуратура агәаҭара иаҿуп.

Аҳәынҭқарра Ахада аилатәара алахәцәа дҵас ириҭеит иҟалаз арыцҳара зыхҟьаз аҭҵаареи наҟ-наҟгьы ас еиҧш ахҭысқәа раҧырҟәҟәаареи ирзынархоу ауснагӡатәқәа зегьы рымҩаҧгареи аҧырратә аппаратқәа ари аусҭҵаара аамҭазы русура аанкылареи.

Аилатәара иалахәын Аҧыза-министр Беслан Барцыц, Аҧсшьарҭақәеи аныҟәарақәеи рзы аминистр Авҭандил Гарцкьиа, Аҧсны Аҳәынҭқарра Атранспорт азы аҳәынҭқарратә усбарҭа аиҳабы Робесҭан Габлиа, Владислав Арӡынба ихьӡ зху Жәларбжьаратәи аҳаирбаҕәаза «Аҟәа», адиректор Виачеслав Ешба, АА Аҩныҵҟатәи аусқәа рминистрра атранспорт азы аҩныҵҟатәи аусқәа рцәаҳәатә усбарҭа аиҳабы Руслан Сангәлиа, Аҧсны Аҳәынҭқарра Атранспорттә прокурор Олег Жьиба.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT