Аҧсны Аҳәынҭқарра Ахада

 

Ахада Лев Кузнецов диҧылеит

24.07.2017

Ахада Лев Кузнецов диҧылеит

Ҧхынгәымза 24 рзы Аҧсны Ахәынҭқарра Ахада Рауль Ҳаџьымба Аҩадатәи Кавказ аусқәа рзы Урыстәылатәи Афедерациа Аминистр Лев Кузнецов диҧылеит.

***

Лев Кузнецов: Ҳара ҳинвестициатә программа инақәыршәаны имҩаҧысуа аргылара дуқәа шхацыркхаз ҳбеит, убри аҟнытә иӡбаны ианышьҭыхха инаркны, аамҭа кьаҿк иалагӡаны аусура еиҿкаан. Ари ашықәс азы ҳҿаҧхьа аус ду шьҭоуп, иаанхаз ашықәс бжа аҩныҵҟала ҩ-миллиардки бжаки мааҭ инареиҳаны хархәара раҳҭароуп. Урҭ рыҩныҵҟа иҟоуп акрызҵазкуа асоциалтә хырхарҭа змоу аобиектқәа. Беслан Константин-иҧеи сареи ҳалацәажәон – амҩақәа, акоммуникациақәа, анџьныртә ргыларақәа, асоциалтә обиектқәа – ашколқәа, ахәыҷбаҳчақәа, ауниверситет. Ари зегьы ауаа рацәа ирыдҳәалоуп аҟнытә ауаа аҧышәаҟны еилыркаар, ирбар акраҵанакуеит ҳаиҧыларақәеи ҳаиҿцәажәарақәеи ишырхылҵуа аиҭакрақәа, аҭагылазаашьа бзиақәа, аҧсҭазаара ахаҭабзиараҟны алшара ҿыцқәа.

Рауль Ҳаџьымба: Шәара, ҳәарада, шәхаҭа ижәбеит арҭ аусурақәа ҳагханы ҳашрылагаз. Агәра ганы сыҟоуп ҷыдала изызнеитәыз апроект-сметатә документациа, иақәнагоу аекспертиза ишахысыз, иахьынӡалшоз агәаҭаратә усурақәа ишырхыжьыз, уи алҵшәақәагьы рнаҭеит. Ашықәс ахыркәшараҟынӡа инхаз амзақәа алҵшәақәа рыманы имҩаҧысып ҳәа сгәы иаанагоит.

Лев Кузнецов: Шәара ииашаны иазгәашәҭеит, ари ашықәс азтәии егьи ашықәсбжа аиҳарак азтәи аобиектқәа зегьы рзы раҧхьаӡакәны ишьақәырҕәҕәоу, иаҭаху астандартқәа зегьы рыла апроекттә-сметатә документациа шҳамоу. Ас еиҧш ахаан иҟамлаӡацызт. Шәаргьы Беслан Константин-иҧагьы иҭабуп шәасҳәоит ажәа иҳашәҭаз ахьынажәыгӡаз азы, ари ахархәара аганахьала Апрограмма анагӡашьа агәра ганы ахәаҧшразы алшара ҳнаҭоит.

Рауль Ҳаџьымба: Ҳара ҳазгьы ари аусура мариамызт. Ицәырҵуаз азҵаарақәа , ари ҳара ҳзы раҧхьатәи ҧышәаны иахьыҟаз ауп. Ҳаргьы ари аамҭа ҳахысит, Шәаргьы имҩаҧгоу аусура зыҧсоу ала ахә шәшьоит. Шьҭа арҭ аусурақәа зегьы хаҭабзиара ҳаракыла имҩаҧгатәуп, аҧарақәа зыхҭнырҵеи, рхы ишҧадырхәеи ҳәа аӡәгьы азҵаара изцәырымҵыртә еиҧш. Сгәы иаанагоит, ишьақәгылаз ҳаизыҟазаашьақәа аҧхьаҟагьы аҿиара роуеит, иагьхәарҭахоит ҳәа. Урыстәылатәи Афедерациа Ахада иҿаҧхьа иқәсыргылаз азҵарақәа ианаамҭоу рынагӡара мҩаҧысуеит. Уи убартә иҟоуп Аҧсны имҩаҧысуа аусурақәа рымҽхак алагьы.

Беслан Барцыц: Аҩадатәи Кавказ аусқәа рзы Урыстәылатәи Афедерациа Аминистрреи хаҭала Лев Владимир-иҧеи 2017-2019 шықәсазтәи Апрограмма иалалоз аобиектқәа реиқәыҧхьаӡа ашьақәыргылараан есқьынгьы адгылара ҳарҭон. Афинансркра алимит ацҵаразы азҵаара анцәырц, иара убас дара рганахьала адгылареи аилкаареи ҳауит,уи Аиҳабырабжьаракомиссиаҟны ишьақәырҕәҕәан. Иахьа амш иалагӡаны, шамахамзар аобиектқәа зегьы ҳарҭааит – асоциалтә обиектқәа, ашколқәа. Агәра ҳгеит арҭ аобиектқәа рыҟны мҽхакыҭбаала аусура шымҩаҧысуазы. Агәра ганы ҳаҟоуп сынтәазы иазгәаҭоу алимитқәа зегьы ахаҭабзиара рыманы аҿҳәара инақәыршәаны ишынагӡахо азы. Ацхыраагӡатә фонд атәы ҳҳәозар, иҟалаз аҧсабаратә рыцҳарақәа инарымаданы адгылареи аилкаареи ҳауит. Иҟоуп адокументқәа риура иадҳәалоу атехникатә зҵаарақәак, хара имгакәа урҭ азҵаарақәагьы ӡбахоит. Лев Владимир-иҧа, даҽазныкгьы иҭабуп ҳәа шәасҳәоит иҳашәҭо ацхырааразы.

Рауль Ҳаџьымба: Урыстәылатәи аган иҟанаҵо зегьы, хаҭала Шәара ари апроцесс шәҽалархәны арҭ аусурақәа зегьы ирышәҭо азҿлымҳара, ҳәарада, уажәы ҳазлацәажәо алҵшәа аҩыза алҵшәа аиуеит. Сгәы иаанагоит, ари апроцесс иалахәу аӡәырҩы арҭ аусурақәа зегьы, ҳтәылақәа рыбжьара ишьақәгыло аизыҟазаашьақәа абасҵәҟьа ахә ршьап ҳәа.

.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT