Аҧсны Аҳәынҭқарра Ахада

 

Ахада Бако Саакиан идиныҳәалеит Ашьха-Карабахтәи Ареспублика Ахада имаҵурахьы иалхра

21.07.2017

Аҧсны Ахада Рауль Ҳаџьымба Бако Саакиан идиныҳәалеит Ашьха-Карабахтәи Ареспублика Ахада имаҵурахьы иалхра

***

Ҳаҭыр зқәу Бако Саак-иҧа!

Аҧсны Аҳәынҭқарра анапхгара ахьӡала иара убас сара хаҭала, гәык-ҧсыкала ишәыдысныҳәалоит Ашьха-Карабахтәи Ареспублика Ахада имаҵурахьы шәалхра.

Шәара шәкандидатура Амилаҭтә еизара адепутатцәа адгылара арҭеит. Ари иаҳәоит аполитик, атәыла ахада иаҳасабала Шәара ишәымоу ахьӡ атәы. Анапхгараҿы шәыҟазаара ашықәсқәа раан Шәара иҟәыҕоу, аиаша ныҟәызго ҧызаҩны ахаарҧшра шәылшеит. Шәара ҳаҭыр шәықәырҵоит, шәажәа акрылнадоит, Арцах ажәлар, урҭ рхаҭарнакцәа - Амилаҭтә еизара адепутатцәа шәыгәра ганы атәыла анапхгара шәнапы ианырҵеит. Ари агәрагара Шәара шәаҧсахеит шәыжәлар, Ашьха Карабах ашәарҭадара арҕәҕәареи уи асоциалтә-економикатә ҿиареи рзы ижәбаз аџьа иабзоураны.

Агәра згоит Аҧсни Ашьха Карабахи рыжәларқәа ирыбжьоу аиҩызаратә еизыҟазаашьақәа аҧхьаҟагьы рыҿиара, рырҕәҕәара еиҧҟьара шамоуа.

Ҳаҭыр зқәу Бако Саак-иҧа, Шәаргьы Арцах аиашьаратә жәлар зегьы ишәзеиҕьасшьоит аҭынчра, анасыҧ, аизҳазыҕьара.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT