Аҧсны Аҳәынҭқарра Ахада

 

Ахада галаа Ақалақь амш рыдиныҳәалеит

19.07.2017

Ҧхынгәымза 19 рзы Аҧсны Аҳәынҭқарра Ахада Рауль Ҳаџьымба Гал ауааҧсыра Ақалақь амш рыдиныҳәалеит.

***

Ҳаҭыр зқәу галаа, гәык-ҧсык ала ишәыдысныҳәалоит Ақалақь амш!

Гали Гал араиони Аҧсны иқәынхо ауааҧсыра зегьы рзы – иҷыдоу, астратегиатә ҵакы змоу регионуп. Уи алукаартә иҟоуп наџьнатә аахыс иаагоу асасдкылареи, ахатә ҷыдаҟазшьареи, ҽакы иузаламҩашьо аҧшӡареи рыла.

Сынтәа Гал 85 шықәса ахыҵуеит. Ари аныҳәа зыҧсадгьыл згәы азыбылуа еиднакылоит, уи ҳҭоурых аҟны акрызҵазкуа ахҭысқәа символра рызнауеит. Жәытә-натә аахыс Самырзаҟан ҳаҧсадгьыл аҳәынҭқарратә ҭахрақәа рыхьчараҟны аҭыҧ ду ааннакылон. Зегь ирдыруеит асовет аамҭазы Гал ақалақьи Гал араион зегьи сталинтәи арепрессиа хлымӡаах шахҭнагаз. Шәҩыла, зықьҩыла ари арегион иқәынхо ауааҧсыра ассимилиациатә политика иалаӡит, убас шакәугьы, амилаҭтә гәалашәара аҧсы ҭоуп, амилаҭ ахаҿра аиҭашьақәыргыларазы апроцессқәа рымҩаҧысра иаҿуп.

Иахьа ҳара аӡәыкны ҳаидгыланы, ҳаҧсадгьыл Аҧсназы хамеигӡарада аус анаҳуы, уи Гал уаҵәтәи аҧеиҧш ачаҧара иацхраауеит. Шәааи, ҳаҧхьа ишьҭоу ашықәсқәа ҳақалақь азы акруреи аџьатә еихьӡарақәеи ираамҭаны иҟаҳҵап.

Агәра угартә иҟалеит есааира анаплакқәа реиҭашьақәыргылара ишалаго, ақыҭанхамҩа ҧаса ишыҟаз еиҧш ишеиҭашьақәыргылахо. Ашьаҿақәа ҟаҵоуп араион амҩатә инфраструктура арҿыцразы, Егры аӡиас аҟны аҳәынҭқарратә ҳәаа арҕәҕәаразы. Иазҧхьагәаҭоуп Егры Аӡфымцамч аиҭеиҿкаара, шьаҿа-шьаҿала рырҿыцра иалагоит аҵараиуратәи асоциалтә-культуратә ҵакы змоуи аобиектқәа.

Акыр иаҧсоу галаа! Гәык-ҧсыкала ишәыдысныҳәалоит ари аныҳәамш. Ишәзеиҕьасшьоит аҭынчра, аизҳазыҕьара, аманшәалара!  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT