Аҧсны Аҳәынҭқарра Ахада

 

Ахада Пиотр Казанба дидикылеит

10.07.2017

Ахада Пиотр Казанба дидикылеит

Ҧхынгәымза 10 рзы Аҧсны Ахада Рауль Ҳаџьымба Адгьылхархәареи акадастри рызҵаарақәа рзы Аҧсны Аҳәынҭқарра аусбарҭа раҧхьатәи анапхгаҩы, Адгьылхархәареи акадастри рызҵаарақәа рзы Аҧсны Аҳәынҭқарра аусбарҭа азеиҧш ҟәша аиҳабы, «Ахьӡ-аҧша» аорден III аҩаӡара занашьоу Пиотр Шьуқри-иҧа Казанба идиныҳәалоит 80-шықәса ихыҵра.

Ахада иазгәеиҭеит Пиотр Казанба аҳәынҭқарра аҿиараҟны изанааҭтә усура аҵак ду атәы.

«Шәлагаламҭа дууп Шәара аҳәынҭқарра аҿиара аус аҟны асоветтә аамҭази уи ашьҭахьтәи ашықәсқәа раани. Шәара зуасхыр шьҭашәҵаз аусура иахьагьы хәарҭара алоуп аҳәынҭқарразы. Аҧхьаҟа иҵегьы аусқәа рацәоуп. Шәара шәоуп ихацшәыркыз аус ацҵаразы аҿар алшара рызҭаз. Идуӡӡаны иҭабуп ҳәа шәасҳәоит. Агәабзиара, агәамч, акадр ҿыцқәа реиҵааӡара аус аҟны аихьӡарақәа шәзеиҕьасшьоит. Ақәра ду нышәҵааит», - иҳәеит Ахада.

Пиотр Казанба аҳәынҭқарра Ахада иҭабуп ҳәа иеиҳәеит иҟаиҵаз адкыларазы.

«Ари ҳара иаҳуалуп. Дасу илшо ҟаиҵалароуп. Аҿар гәцаракра арҭо иалагеит ҳара уажәы ҳнапы злаку аус. Уи аҧеиҧш амоуп, ҳусура иацаҳҵоит», - иазгәеиҭеит Пиотр Казанба.

Аиҧылара хыркәшо, Ахада Пиотр Казанба агәалашәаратә сааҭ ҳамҭас ииҭеит.  


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT