Алада Уаҧстәыла Ареспублика Ахада Аҧсны иофициалтә визит хыркәшоуп

Алада Уаҧстәыла Ареспублика Ахада Аҧсны иофициалтә визит хыркәшоуп

Ҧхынгәымза 8 рзы ихыркәшоуп Алада Уаҧстәыла Ареспублика Ахада Аҧсны имҩаҧысуаз иофициалтә визит.

Алада Уаҧстәыла Ареспублика Ахада напхгара зиҭо аделегациа Аҧсны Аҳәынҭқарраҟнытә Алада Уаҧстәыла Ареспубликаҟа ихынҳәит.

Ҧхынгәымза 7 инаркны ҧхынгәымза 8–нӡа Аҧсны Аҳәынҭқарраҟны имҩаҧысуан Алада Уаҧстәыла Ареспублика Анатоли Бибилов иофициалтә визит. Ахада Иусбарҭаҟны имҩаҧысит Аҧсны Аҳәынҭқарра Ахада Рауль Ҳаџьымбеи Алада Уаҧстәыла Ареспублика Ахада Анатоли Бибилови реиҧылара.

Авизит аҳәаа иҭагӡаны имҩаҧысит аҧснытәи аладауаҧстәи аганқәа реиҿцәажәара нарҭабааны, иара убас ирыҵаҩын ҩ-ганктәи адокументқәа. Аҧсны Аҳәынҭқарра Адәныҟатәи аусқәа рминистр Даур Ақаҩбеи Алада Уаҧстәыла Ареспублика Адәныҟатәи аусқәа рминистр Дмитри Медоеви иаҵарҩит ҩ-ҳәынҭқаррак рыҟнытә Адәныҟатәи аусқәа рминистррақәа рыбжьара 2017-2018 шш. аилабжьарақәа р-Азҧхьагәаҭа. Аҧсны Аҳәынҭқарра Ауаажәларратә палата Амаӡаныҟәгаҩ Наҭелла Акабеи Алада Уаҧстәыла Ареспублика Ауаажәларратә палата Ахантәаҩы Анатоли Џиџоеви ҩ-ҳәынҭқаррак р-Уаажәларратә палатақәа рыбжьара аусеицуразы Аиқәшаҳаҭра рнапы аҵарҩит.

Аиҿцәажәарақәа реихшьалақәа рыла Аҧсны Аҳәынҭқарра Ахада Рауль Ҳаџьымбеи Алада Уаҧстәыла Ареспублика Ахада Анатоли Бибилови азеиҧш ҳәамҭа рыдыркылеит.

Аофициалтә визит аҳәаа иҭагӡаны Ахада Иусбарҭаҟны Аҧсны Аҳәынҭқарра Ахада Рауль Ҳаџьымбеи Алада Уаҧстәыла Ареспублика Ахада Анатоли Бибилови рыпресс-конференциа мҩаҧысит.


Возврат к списку