Аҧсны Аҳәынҭқарра Ахада

 

Аиҿцәажәарақәа реихшьалақәа рыла азеиҧш ҳәамҭа

07.07.2017

Ҧхынгәымза 7 рзы аиҿцәажәарақәа реихшьалақәа рыла Аҧсны Аҳәынҭқарра Ахада Рауль Ҳаџьымбеи Алада Уаҧстәыла Ареспублика Ахада Анатоли Бибилови азеиҧш ҳәамҭа рыдыркылеит.

***

Аиҩызаратә ҭагылазаашьа аманы имҩаҧысыз Аҧсны Аҳәынҭқарреи Алада Уаҧстәыла Ареспубликеи р-Хадацәа рофициалтә еиҿцәажәарақәа иаадырҧшит аҩ-ганкгьы ахырхарҭа хадақәа рыла ҩ-ганктәи аусеицуразы аҧхьаҟа аиҿцәажәара арҿиара ишазхиоу.
Ҩ-ҳәынҭқаррак рхадацәа инарҵауланы иалацәажәеит ҩ-ганктәи аусеицура аҭагылазаашьеи уи аҧхьаҟа арҿиареи ртәы, иара убас ареигионалтәи жәларбжьаратәи ашәарҭарақәа разнеишьеи.
Аганқәа иаҵшьны иазгәарҭеит Аҧсны Аҳәынҭқарреи Алада Уаҧстәыла Ареспубликеи аҭышәынтәалареи ашәарҭадареи, асоциалтә-економикатә ҿиареи ҩ-ҳәынҭқаррак жәларбжьаратәи рпозициа арҕәҕәареи инарымаданы Урыстәылатәи Афедерациеи дареи ирыбжьоу аидгыларатәи аиҩызаратәи еизыҟазаашьақәа рҵакы ду атәы.
Ҩ-ҳәынҭқаррак рхадацәа иазгәарҭеит аиашьареи аицхыраареи уасхыр ҕәҕәаны иззышьҭоу аҧсны-аладауаҧстәи еизыҟазаашьақәа ҭоурыхла ишьақәгылаз рҟазшьа, иагьықәгылеит ахәаахәҭра-економикатә, акультуратә, аҵараиуратә ҟәшақәа иара убас наҟ-ааҟ гәцаракра зырҭо егьырҭ азҵаарақәа рыҟны ҩ-ганктәи русеицура арҿиаразы.
Аганқәа ирҳәеит зҿлымҳара шарҭо ҩ-ганктәи аизыҟазаашьақәа реиқәшаҳаҭра-зинтә шьаҭа аҧхьаҟа арҕәҕәара, иагьалацәажәеит ирыбжьарҵараны иҟоу ҩ-ганктәи аиқәшаҳаҭрақәа рганахьала русеицура ахырхарҭақәа жәпакы. Урҭ ахырхарҭақәа рхыҧхьаӡараҟны иҟоуп азинхьчаратә ҟәша, аҵараиура аҟәша, абаҩрҵәыреи аспорти, аҿар рполитикеи, иара убас атранспорттә еимадара аҟәшаҟны аусеицура.
Аганқәа еибырҳәеит жәларбжьаратәи азҵаараҟны, ҷыдала, Нхыҵкавказ ашәарҭадареи аҭышәынтәалареи ирызку Женеватәи адискуссиақәа рформат ала русеицура аиҿкааразы аусура иацҵатәуп ҳәа.
Аганқәа иазгәарҭеит аҳәынҭқаррақәа рхадарақәа рыҩаӡараҟны аиҧыларақәа ишрызхиоу.

Ҧхынгәымза 7 рзы аиҿцәажәарақәа реихшьалақәа рыла Аҧсны Аҳәынҭқарра Ахада Рауль Ҳаџьымбеи Алада Уаҧстәыла Ареспублика Ахада Анатоли Бибилови азеиҧш ҳәамҭа рыдыркылеит.

***

Аиҩызаратә ҭагылазаашьа аманы имҩаҧысыз Аҧсны Аҳәынҭқарреи Алада Уаҧстәыла Ареспубликеи р-Хадацәа рофициалтә еиҿцәажәарақәа иаадырҧшит аҩ-ганкгьы ахырхарҭа хадақәа рыла ҩ-ганктәи аусеицуразы аҧхьаҟа аиҿцәажәара арҿиара ишазхиоу. Ҩ-ҳәынҭқаррак рхадацәа инарҵауланы иалацәажәеит ҩ-ганктәи аусеицура аҭагылазаашьеи уи аҧхьаҟа арҿиареи ртәы, иара убас ареигионалтәи жәларбжьаратәи ашәарҭарақәа разнеишьеи.

Аганқәа иаҵшьны иазгәарҭеит Аҧсны Аҳәынҭқарреи Алада Уаҧстәыла Ареспубликеи аҭышәынтәалареи ашәарҭадареи, асоциалтә-економикатә ҿиареи ҩ-ҳәынҭқаррак жәларбжьаратәи рпозициа арҕәҕәареи инарымаданы Урыстәылатәи Афедерациеи дареи ирыбжьоу аидгыларатәи аиҩызаратәи еизыҟазаашьақәа рҵакы ду атәы.

Ҩ-ҳәынҭқаррак рхадацәа иазгәарҭеит аиашьареи аицхыраареи уасхыр ҕәҕәаны иззышьҭоу аҧсны-аладауаҧстәи еизыҟазаашьақәа ҭоурыхла ишьақәгылаз рҟазшьа, иагьықәгылеит ахәаахәҭра-економикатә, акультуратә, аҵараиуратә ҟәшақәа иара убас наҟ-ааҟ гәцаракра зырҭо егьырҭ азҵаарақәа рыҟны ҩ-ганктәи русеицура арҿиаразы.

Аганқәа ирҳәеит зҿлымҳара шарҭо ҩ-ганктәи аизыҟазаашьақәа реиқәшаҳаҭра-зинтә шьаҭа аҧхьаҟа арҕәҕәара, иагьалацәажәеит ирыбжьарҵараны иҟоу ҩ-ганктәи аиқәшаҳаҭрақәа рганахьала русеицура ахырхарҭақәа жәпакы. Урҭ ахырхарҭақәа рхыҧхьаӡараҟны иҟоуп азинхьчаратә ҟәша, аҵараиура аҟәша, абаҩрҵәыреи аспорти, аҿар рполитикеи, иара убас атранспорттә еимадара аҟәшаҟны аусеицура.

Аганқәа еибырҳәеит жәларбжьаратәи азҵаараҟны, ҷыдала, Нхыҵкавказ ашәарҭадареи аҭышәынтәалареи ирызку Женеватәи адискуссиақәа рформат ала русеицура аиҿкааразы аусура иацҵатәуп ҳәа.

Аганқәа иазгәарҭеит аҳәынҭқаррақәа рхадарақәа рыҩаӡараҟны аиҧыларақәа ишрызхиоу.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT