Аҧсны Аҳәынҭқарра Ахада

 

Рауль Ҳаџьымбеи Анатоли Бибилови Ахьӡ-аҧша амузеи иаҭааит

07.07.2017

Рауль Ҳаџьымбеи Анатоли Бибилови Ахьӡ-аҧша амузеи иаҭааит

Ҧхынгәымза 7 рзы Анатоли Бибилов иофициалтә визит аҳәаақәа ирҭагӡаны Аҧсны Аҳәынҭқарра Ахадеи Алада Уаҧстәыла Аҳәынҭқарра Ахадеи Ахьӡ-аҧша амузеи иаҭааит.

Ахьӡ-аҧша амузеи аусзуҩцәа аҩ-ҳәынҭқаррак р-Хадацәеи аделегациа алахәцәеи ирзымҩаҧыргеит амузеи азалқәа зегьы рҟны аекскурсиа. Уи ахыркәшамҭазы Анатоли Бибилов азеиҕьашьарақәа рышәҟәаҟны анҵамҭа нижьит.

Амузеи иаҭаанӡа, апресс-конференциа ашьҭахь, Рауль Ҳаџьымбеи Анатоли Бибилови амшын аҧшаҳәаҟны иныҟәеит, Амҳаџьыраа рыҧшаҳәаҟны иҟоу каҳуажәырҭакгьы иаҭааит.

Алада Уаҧстәыла Аҳәынҭқарра Ахада иофициалтә визит раҧхьатәи амш аҽны Рауль Ҳаџьымбеи Анатоли Бибилови арҭ амшқәа рзы Аҧсны Аҳәынҭқарраҿы зыҧсы зшьо Цхинвалтәи абжьаратә школ №1 аҵаҩцәа ирҧылеит.

Алада Уаҧстәыла Аҳәынҭқарра Ахада Анатоли Бибилов иофициалтә визит ҧхынгәымза 7-8 рзы имҩаҧысуеит.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT