Аҧсны Аҳәынҭқарра Ахада

 

Рауль Ҳаџьымбеи Анатоли Бибилови реиҧылара

07.07.2017

Рауль Ҳаџьымбеи Анатоли Бибилови реиҧылара

Ҧхынгәымза 7 рзы Аҧсны Аҳәынҭқарра Ахада Рауль Ҳаџьымбеи Алада Уаҧстәыла Ахада Анатоли Бибилови рофициалтә еиҧылара мҩаҧысит.

***

Рауль Ҳаџьымба: Ҳаҭыр зқәу Анатоли Илиа-иҧа, Аҧсны шәбара сеигәырҕьоит. Даҽазныкгьы гәык-ҧсык ала ишәыдысныҳәалоит Алада Уаҧстәыла Аҳәынҭқарра Ахадас . Шәара Аҧсны ибзианы шәырдыруеит ҳтәылақәеи ҳажәларқәеи аимадара рыбжьазҵо аизыҟазаашьақәа ҧхьаҟатәи рыҿиара иадгылоу уаҩык иаҳасабала . Урҭ аизыҟазаашьақәа рзы иҟаҵоу шырацәоугьы, ҳаҧхьаҟагьы ишьҭоуп ҳажәларқәа рылшарақәа реиҕьтәразы аусқәа маҷымкәа.

шәалхра

Ҳара ҳаимаздо аҭагылазаашьақәа цәырҵижьҭеи акрааҵуеит. Урҭ шьақәгылахьан ҳара ҳабацәеи ҳабдуцәеи рхаангьы.

Иахьатәи аамҭазы Аҧсни Алада Уаҧстәылеи реизыҟазаашьақәа рыҿиара, реизҳара умбар залшом.

Анапы рыҵаҩуп ҩ-ганктәи адокументқәа ааба, аха аус здуулаша иҵегьы ирацәоуп. Иахьа ҳрылацәажәараны ҳаҟоуп аекономикатә еизыҟазаашьақәа, акультура азҵаарақәа, агуманитартә усхкаҟны аусеицура, еиуеиҧшым ахырхарҭақәа рыла аус еицызуша ҳуаажәларра ахаҭарнакцәа рыбжьара аимадарақәа.

Сгәы иаанагоит, Женеватәи аиҿцәажәарақәа шәаргьы ҳаргьы адәныҟаполитикатә формат аҟны иҳалшаз узырбо ракәны иҟоуп ҳәа. Ара макьана иҟаҵатәу рацәоуп. Даҽазныкгьы гәыкала бзиала шәаабеит ҳәа шәасҳәоит Аҧсны. Агәра згоит ҳусура лыҵшәа аманы имҩаҧысып ҳәа, ҳҿаҧхьа иқәгылоу азҵаарақәа ҳрылацәажәап ҳәа.

Анатолий Бибилов: Иҭабуп идуӡӡаны, Рауль Џьумка-иҧа, Аҧсны есқьынгьы еицырдыруеит гәыблыла асасдкылашьа ала. Аҧсы атәыла ҳәа изашьҭоугьы уи азоуп. Арахь имҩахыҵыз дарбанзаалак асас, саргьы – аҳәынҭқарра Ахада иаҳасабалагьы, ҳәарада, асасдкылара иацу аҧхарра сныруеит.

Сшәықәшаҳаҭуп, аҧсуаа Аҧсны анхара иақәиҭырымтәырц, мамзаргьы ауаҧсаа Алада Уаҧстәыла ианырхырц анырҭахыз, уи ҳаҿагыланы ҳанықәҧоз ҳаизыҟазаашьақәа зырҕәҕәаз аиҩызара мацара акәӡам шәареи ҳареи иҳабжьоу, ҳара ҳаиҩызара шәышықәсала ишьақәгылон. Иҳабжьалаз аизыҟазаашьақәа рыцҵара ҭакҧхықәрас иҳадуп – ҳара ҳаизааигәазтәша, ҳусеицура ахьаҭаху маҷӡам. Ҳусеицура ахырхарҭақәа еиуеиҧшымкәа иҟоуп - уи аекономикеи асоциалтә ҭагылазаашьеи рганахьала, агәабзиарахьчареи акультуреи русхкқәа рыла. Абарҭ ахырхарҭақәа зегьы рыҟны аусеицура ҳалагоит. Сгәы иаанагоит, арҭ аусурақәа рылҵшәақәа хара имгакәангьы иаҳбоит ҳәа.

Даҽазныкгьы иҭабуп ҳәа шәасҳәоит шәысасдкыларазы, аҭагылазаашьа схы иархәаны, ааҧхьара шәысҭоит, Шәара иаҳа ианышәзыманшәалоу аамҭа алхны, Алада Уаҧстәылаҟа официалтә визитла анеиразы.

Ҳаџьымба Рауль: Иҭабуп исышәҭаз ааҧхьаразы. Уи сыдыскылоит. Ҳаиҧыларагьы алыршахоит.

IMG_0111.JPG


IMG_0123.JPG

 


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT