Аҧсны Аҳәынҭқарра Ахада

 

Аҧсны Ахада Николас Мадуро Венесуела Ахьыҧшымра амш идиныҳәалеит

05.07.2017

Ҧхынгәы 5 рзы Аҧсны Аҳәынҭқарра Ахада Рауль Ҳаџьымба Боливариантәи Аҳәынҭқарра Венесуела Ахада Николас Мадуро Венесуела Ахьыҧшымра амш идиныҳәалеит.

***

Аҧсны Аҳәынҭқарра анапхгара ахьӡалеи сара хаҭалеи ишәыдысныҳәалоит аҳәынҭқарратә ныҳәа - Боливариантәи Аҳәынҭқарра Венесуела Ахьыҧшымра амш.

Аҧсны жәларбжьаратәи азхаҵара апроцесс аҟны Венесуела анапхгара иааннакыло аҭыҧ ахәшьара уадаҩуп. Ҳтәылақәа рыбжьара ишьақәгылеит аиҩызаратә еизыҟазаашьа бзиақәа. Урҭ аимадарақәа наҟ-наҟгьы рырҭбаареи рырҕәҕәареи рзы иҳалшо зегь ҟаҳҵалоит.

Ахада, шәхаҵкы, ари аныҳәамш азы ишәзеиҕьасшьоит агәамч, аманшәалара, иаанышәкыло аҳәынҭқарратә чын ҳарак аҟны ақәҿиарақәа, Венесуела ажәлар зегьы – аҭынчреи аизҳазыҕьареи.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT