Рауль Ҳаџьымба Алада Уаҧстәыла Аҳәынҭқарра Ахада Анатоли Бибилов диҧылоит

Ҧхынгәымза 7-8 рзы раҧхьаӡа акәны официалтә визитла Аҧсны Аҳәынҭқарра даҭаауеит Аахыҵ Уаҧстәыла Аҳәынҭқарра Ахада Анатоли Бибилов.

Ҧхынгәымза 7 рзы аҩ-ҳәынҭқаррак р-Хадацәа аиҿцәажәарақәа мҩаҧыргоит. Иазҧхьагәаҭоуп ҩ-ганктәи аусеицура аҭагылазаашьеи ҧхьаҟатәи аҧеиҧши, иара убас аҧсны-аладауаҧстә еизыҟазаашьақәа наҟ-наҟтәи рыҿиара азҵаарақәеи рыхцәажәара.

Аахыҵ Уаҧстәыла Аҳәынҭқарра Ахада хадара ззиуа аделегациа иалахәуп Адәныҟатәи аусқәа рминистр Дмитри Медоев, Акультура аминистр Жанна Зассеева, Апрокурор хада Урузмаг Џагаев, Аҳәынҭқарратә шәарҭадаразы аилак Ахантәаҩы Виқтор Шаргаев, Ауаажәларратә палата Ахантәаҩы Анатоли Џиџоев.


Возврат к списку