Аҧсны Аҳәынҭқарра Ахада

 

Аҧсны Ахадеи Владислав Суркови еиҧылеит

03.07.2017

Ҧхынгәымза 3 рзы имҩаҧысит Аҧсны Ахада Ҳаџьымба Раули Урыстәылатәи Афедерациа Ахада Ицхырааҩ Владислав Суркови реиҧылара.

***

Сурков Владислав: Иҭабуп ҳәа шәасҳәоит сахьшәыдышәкылаз. Шәбара гәахәароуп сара сзы. Аҳәара ҟасҵоит иахьа шәареи ҳареи ҳусеицура иадҳәалоу апроблемақәа ҳрылацәажәарц. Иҟоу ауадаҩрақәа рацәаӡам, уажәы зегьы иарбоу аҿҳәара ҳнықәныҟәаны имҩаҧаҳгоит азы аекономикатәи аполитикатәи усеицура бзианы имҩаҧысуеит. Ишьақәыргылоу азҧхьагәаҭа инақәыршәаны аусура мҩаҧысуеит Аҧсни Урыстәылеи ирыбжьоу аиқәшаҳаҭра анагӡара иадҳәалоу асектортә хырхарҭала, сгәы иаанагом иахьатәи ҳаицәажәараҟны уадаҩрак ҳауп ҳәа. Ахырхрҭақәа зегьы рыҟны аусура ишақәнагоу ицошәа збоит. Сара аҧхьаҟатәи ҳусқәа рзы сгәы ҭынчуп, агәра згоит алҵшәа бзиақәа шроуа.

Ҳаџьымба Рауль: Иаартны иҳәатәуп, аусура ахырхарҭақәа зегьы рыҟны Урыстәыла ацхыраара аҟаҵара иаҿуп. Урыстәыла ацхыраара ҳнаҭоит, урҭ ахырхарҭақәа еилкаауп. Арҭ азҵаарақәа аус рыдулара цоит, урыстәылатәи агангьы уи иацхраауеит. Аинвестпрограмма аганахьала иагмырхакәа аусура мҩаҧысуеит. Иахьа иааиз аҧареицҵа иаҳҭаху аусура амҽхак зегьы анагӡара ҳалнаршоит. Х-банк ирызку апрооектқәа ртәы ҳҳәозар, аҧаратә хархәагақәа зегьы еихшоуп. Сгәы иаанагоит, аекономика аганахьала аизҳаразы алшарақәа раҧҵара иацхраауеит ҳәа, 350 рҟынӡа усурҭа ҭыҧ аҧҵахоит. Арҭ апроектқәа аусура ианалага нахыс, 150 миллион мааҭ иацҵаны ашәахтәқәа рааира ҟалоит. Ари аекономика аҭагылазаашьа акыр еиҕьнатәуеит.

Владислав Сурков: Сақәшаҳаҭуп, шәызлацәажәаз арҭ аинвестициатә проектқәа баша абиуџьеттә финансқәа рыла акәӡам излашьақәгылоу, урҭ аҳәынҭқарратәи ахазхатә интересқәеи реинырнаалара ала еиҿкаахоит. Сгәы иаанагоит дара ҧеиҧш змоу проектқәоуп ҳәа. Уажәы шәареи ҳареи ҳусеицура бзианы имҩаҧысуеит. Арҭ апроектқәа рынагӡараан шықәсык-хышықәса рыҩныҵҟала алҵшәа бзиақәа шрымоу анаҳба, аекономика ашьҭыхра иацхраауа ианыҟала, ари ахырхарҭа ацҵара, арҭбаара ҳалагоит – аусурҭа ҭыҧқәа ирыцҵо, Аҧсны ашәахтәқәҵаратә шьаҭа арҭбаара ҳалагоит. Уи алҵшәа бзиақәа аанашьҭуеит ҳәа сгәы иаанагоит. Иҭабуп ҳәа шәасҳәар сҭахуп хазы иалкааны иахьазгәашәҭаз азы.

Ҳаџьымба Рауль: Ари Шәареи сареи зны ҳазлацәажәоз ауп. Ахатәы лшарақәа реизырҳара алзыршо аекономикатә уасхыр азышьҭаҵарала атәыла абиуџьет аҧҵахоит. Сара агәра згоит ари ахырхарҭа Аҧсны аекономика ашьҭыхра иацхраауеит ҳәа.   


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT