Аҧсны Аҳәынҭқарра Ахада

 

Ахада Аҧсны инхо аҧсылманцәа Ураза-баирам рыдиныҳәалеит

25.06.2017

Ахада Аҧсны инхо аҧсылманцәа Ураза-баирам рыдиныҳәалеит

Рашәарамза 25 рзы Аҧсны Ахада Ҳаџьымба Рауль Аҧсны инхо аҧсылманцәа ирыдиныҳәалеит Ураза-баирам.

***

Акыр иаҧсоу ҳџьынџьуаа!

Гәык-ҧсыкала ишәыдысныҳәалоит аҧсылманцәа рныҳәа Ураза-баирам.

Ари амш аҧсылманцәа рзы акырӡа зҵазкуа ныҳәоуп. Аҧсылманра атрадициақәа шьаҭас ирымоуп аиаша, арыцҳеибашьара, иузааигәоу бзиа ибара, ихӡыӡаӡаара. Гәахәароуп Аҧсны инхо ажәларқәа есқьынгьы ҟазшьас ишрымаз амилаҭбжьаратә еиҩызара, агәылеимабзиара. Агәра згоит арҭ аҵасқәа аринахысгьы акзаареи аҳәоуеиқәшәареи уасхырс ишырзышьҭало.

Аҧслыманцәа зегьы ирзеиҕьасшьоит аҭынчра, агәыцқьара, аизҳазыҕьара.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT