Афилологиатә ҭҵаарадыррақәа рдоктор, апрофессор, академик Шоҭа Арсҭаа идныҳәалара

     Ҳаҭыр зқәу Шоҭа Ҟасҭеи-иҧа!

Гәык-ҧсыкала ишәыдысныҳәалоит шәымшира, ишәзеиҕьасшьоит агәамч ҕәҕәа, шәнапы злакыу ҳаҧсуа бызшәадырра аусаҿы аихьӡара ҿыцқәа!

Шәара шәреиуоуп ҳмилаҭтә лингвистика ахыҵхырҭаҿ игылоу ҳҵарауаа хатәрақәа. Шәусумҭақәа рҿы инарҵауланы иҭҵаауп аҧсуа бызшәа аструктура, уи аҷыдарақәа. Лагаламҭа дуны иҟалеит ҳаҭҵаарадырра зегьы азын аҧсуа грамматика иазкыу шәмонографиақәа, шәырҵага шәҟәқәа. Шәџьабаа ҕәҕәоуп аҿар, астудентцәа, аспирантцәа рааӡара аусаҿы. Акыр шықәса лыҵшәабзиала напхгара ашәҭон Аҧсны аҭҵаарадыррақәа Ракадемиа, шәыҟан уи раҧхьатәи Ахадас. Иахьагьы ҳмилаҭтә Академиа Апрезидиум шәалоуп, шәбаҩхатәра, шәҧышәа рыдышәҵоит еиуеиҧшым анаукатә зҵаарақәа.

Анцәа ишәаҭәеишьааит агәызҩыдара бзиа, ашықәсынҵыра ду!


Возврат к списку