Аҧсны Аҳәынҭқарра Ахада

 

Ахада Џеффри Монсон дидикылеит

06.10.2016

Жьҭаара фба рзы Ахада Рауль Ҳаџьымба дидикылеит америкатәи, урыстәылатәи аспортсмен, еилаҧсоу ақәҧаразы ақәҧаҩ Џеффри Монсон.

Аҳәынҭқарра ахада Монсон бзиала уаабеит ҳәа иеиҳәеит. Уи иазгәеиҭеит еилаҧсоу ақәҧарақәа ирызку аицлабрақәа рымҩаҧысра акрызҵазкуа спорттә хҭысны ишыҟалаз.

«Ари ҳара ҳзы акрызҵазкуа хҭысуп даҽазныкгьы аспорт ҳазыҟазаашьа аарҧшразы. Иҭабуп ҳәа расҳәоит ари аусмҩаҧгатә еиҿызкааз, уи иалахәхараны иҟоу зегьы», - иҳәеит Ахада.

Рауль Ҳаџьымба Монсон иҭабуп ҳәа иеиҳәеит ажәларқәа рхатәҳәаақәҵареи рхьыҧшымреи рыхьчареи рзықәҧарази имҩаҧиго аусуразы.

«Шәара иахьа адунеи аҿы ауаа реизааигәатәразы иҟашәҵо акраҵанакуеит», - иҳәеит аҳәынҭқарра Ахада.

Монсон иазгәеиҭеит ивизит хықәкыс ишамоу атурнир амҩаҧгарадагьы, Аҧсны адунеи ахьынӡанаӡааӡо аларҵәара.

« Ари атурнир аҽалархәрадагьы, Аҧсны саҭаара хықәкыс иаман адунеи аҟны Аҧсны аларҵәара, иахьынӡалшо Аҧсны ҳәа атәыла шыҟоу адунеи ардырра, ара иқәынхо ауаа ахатәҳәаақәҵареи ахақәиҭреи рзы азин шрымоу, урҭ азхаҵазар шырҭаху егьырҭ атәылақәа рыла», - иҳәеит Монсон.

Ажәларқәа ахатәҳәаақәҵареи ахьыҧшымреи рзы рзинқәа рыхьчареи рзықәҧареи рыҟны хаҭала илагаламҭа ду азы Ахада Рауль Ҳаџьымба Монсон «Ҳаҭыр змоу Аҧсны Аҳәынҭқарра атәылауаҩ» ҳәа ахьӡ ианеишьеит.

Жьҭаара фба рзы Аҟәа астадион Динамо аҟны Аҧсны Аҳәынҭқарра Аиҳабыра иҟарҵаз адгыларала имҩаҧысуеит еилаҧсоу ақәҧарақәа ажәбатәи ртурнир иазку аицлабрақәа.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT