Аҧсны Аҳәынҭқарра Ахада

 

Аҧсны Ахада Аҟәаҟа дхынҳәит

02.09.2016

Цәыббрамза 2 рзы ихыркәшахеит Аҧсны Аҳәынҭқарра Ахада Рауль Ҳаџьымба Нхыҵ Кавказ ареспубликақәа рышҟа иусуратә ныҟәарақәа.

Ҟарачы-Черқьеcтәи Арнеспубликаҟны Ахада Зхатәгәаҧхарала еибашьуаз, Аҧсны ахақәиҭреи ахьыҧшымреи зхы ақәызҵаз рбаҟа аартра иазкыз аусмҩаҧгатә далахәын, имҩаҧигеит аиҧыларақәа, урҭ рыҩныҵҟа иҟоуп ҞЧА Ахада Рашид Темрезов иҧыларагьы.

Рауль Ҳаџьымба ҷыдала иазгәеиҭеит Зхатәгәаҧхарала еибашьуаз, Аҧсны ахақәиҭреи ахьыҧшымреи зхы ақәызҵаз рбаҟа аартра иамоу аҵакы ду. Уи иҭабуп ҳәа реиҳәеит Ҟарачы-Черқьестәи Ареспублика анапхгара 1992-1993 шш. раан

Аҧсны жәлар ирывагыланы зхатәгәаҧхарала еибашьуаз, иҭахаз рыхьӡ анаугӡатәра иазкны имҩаҧырго аусмҩаҧгатәқәа рзы.

Аҧсны Аҳәынҭқарра аделегациа иара убас ирҧылеит Аҧсны Жәлар рџьынџьтәылатә еибашьра зхатәгәаҧхарала иалахәызи Абаза уаажәларратә еидгыларақәа р-Ассоциациа «Аҧсадгьыл» алахәылаҩцәеи.

Цәыббра 1 азы Аԥсны Аҳәынҭқарра Ахада Рауль Ҳаџьымба зхадараҟны дыҟаз Аԥснытәи аделегациа Ҟабарда-Балкариатәи Ареспублика ҞБА аҳәынҭқарра 95-шықәсахыҵра иазку аусмҩаҧгатәқәа рыҽрыладырхәырит.

Аделегациа алахәылаҩцәа ашәҭқәа шьҭарҵеит Нальчик ақалақь Аҧсны ахьӡ зху ашҭаҟны ишьақәыргылоу Аҧсны ахақәиҭреи ахьыҧшымреи зхы ақәызҵаз рбаҟа аҿаҧхьа .

Имҩаԥысит Аԥсны Ахада Рауль Ҳаџьымбеи Ҟабарда-Балкариа Ахада Иури Кокови реиԥылара.

Аиԥылараан ирылацәажәан атәылақәа ирыбжьоу ҩ-ганктәи аизыҟазаашьақәа еиуеиԥшым рганқәа: аекономикатә, акультуратә, агуманитартә, аҵарадырратә усеицурақәа. Иазгәаҭан Ҟабарда-Балкариеи Аҧсны Аҳәынҭқарреи ирыбжьоу аамҭа иҧнашәаз, аҧхьаҟа хымҧада иҿиараны иҟоу ҷыдалатәи аиашьаратә еизыҟазаашьақәа.

Рауль Ҳаџьымба даҽазныкгьы ишьақәирҕәҕәеит Аҧсны Аҳәынҭқарра анапхгара имҩаҧнаго аполитика Нхыҵ Кавказ ареспубликақәеи Аҧсни реимадара арҕәҕәара ишазку.

Рауль Ҳаџьымба иусуратә визит аан ицуп Ахада Иусбарҭа Анапхгаҩы инапынҵақәа назыгӡо Дмитри Шамба, Ашәарҭадара Ахеилак Амаӡаныҟәгаҩ Муҳамед Кьылба, Агәабзиарахьчара аминистр Андзор Гоов.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT