Аҧсны Аҳәынҭқарра Ахада

 

Алада Уаҧстәыла Ахада Аҧсны Аҳәынҭқарра Ахада Ахьыҧшымра азхаҵара амш идиныҳәалеит

26.08.2016

Алада Уаҧстәыла Ахада Леонид Тибилов Аҧсны Аҳәынҭқарра Ахада Рауль Ҳаџьымба ихьӡала адныҳәаларатә аацҳамҭа ааишьҭит нанҳәамза 26 рзы.

Адныҳәалараҟны, лымкаала, иҳәоуп:

Ҳаҭыр ду зқәу Рауль Џьумка-иҧа,

Алада Уаҧстәыла анапхгареи Алада Уаҧстәыла ажәлари рыхьӡала, хаҭала сара сҟынтә, Шәаргьы Аҧсны Аҳәынҭқарра ажәлар зегьы ирыдысныҳәалоит акрызҵазкуа аныҳәа - Урыстәылатәи Афедерациа аҟнытә Аҧсны Аҳәынҭқарра Ахьыҧшымра азхаҵара амш!

2008 шықәса нанҳәамза 26 – ҳҳәынҭқаррақәа рҭоурых азы лахьынҵаӡбага рыцхәқәаны иҟалеит, ҳтәылақәа ирықәынхо ажәларқәа рхатәҳәаақәҵаратә зин инақәыршәаны, Урыстәылатәи Афедерациа анапхгара иаднакылеит ҳтәылақәа рхьыҧшымразы аҭоурыхтә ҵакы змоу аӡбамҭа. Ари ҳажәларқәа ршәарҭадара ахьчара алыршараҟны хадара змоу шьаҿаны иҟалеит.

Алада Уаҧстәылеи Аҧсни рыжәларқәа иуадаҩыз аҭоурыхтә мҩа ианысит, хьыӡла-ҧшала ирхыргеит аҧышәарақәа зегьы, аҧеиҧш лаша рхы ақәырҵеит иреиҕьыз урҭ рҵеицәа.

Агәра згоит ашәышықәсақәа иргәылсны иаауа ҳажәларқәа ирыбжьоу аиҩызара шьаҭас измоу аладауаҧстәыла-аҧснытәи аизыҟазаашьақәа аҧхьаҟа есааира ишыҕәҕәахало, аҿиара шрылшо ҳтәылақәа реизҳазыҕьара ахьӡала.

Абри аныҳәамш аҽны Шәаргьы Аҧсны аиашьаратә жәлар зегьы ирзеиҕьасшьоит агәабзиара, аихьӡарақәа, аизҳазыҕьара.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT