Аҧсны Аҳәынҭқарра Ахада

 

Евгени Книазев иҧылара

09.08.2016

Нанҳәамза 9 рзы Ахада Рауль Ҳаџьымба Б. Щукин ихьӡ зху Атеатртә институт аректор Евгени Книазев дидикылеит.

Евгени Книазев иазгәеиҭеит нанҳәзамза алагамҭазы Аҧсныҟа иаара шьҭа традициа бзианы ишыҟалаз. «Сара иҭабуп ҳәа иасҳәоит аҧсуа студентцәа рыла акурс аҧҵара аидеиа ҳадызгалаз Валери Ақаҩба. Ҳара гәык-ҧсыкала Аҧсны бзиа иаҳбеит. Акурс еидаҳкылаанӡа сара арахь смааӡацызт. Абри ашьҭахь Аҧсныҟа сааит, бзиагьы избеит ари атәыла », - иҳәеит Книазев. Уи Ахада иеиҳәеит Аҧснытәи астудентцәа ирылҵуа атәы аҳәара шзаау макьана, ҩышықәсоуп аҵара рҵоижьҭеи. «Урҭ ара иааны аҳасабырбаҵас иқәгылеит ҩышықәсатәи рҵара ашьҭахь. Иахьа изеиҧшрахаз атәы аҳәара ҳалшаӡом. Аҟыбаҩ змоу уаауп. Ҳара иаҳуалу аусушьа дырҵара, аџьа бзиа абара рылааӡароуп. Ҳгәыҕуеит даҽа ҩышықәса рышьҭахь атеатр иалаҵәартә иҟалап ҳәа», - иазгәеиҭеит Евгени Книазев.

Ахада Евгени Книазев иҭабуп ҳәа иеиҳәеит Аҧснытәи астудентцәа идыррақәа ахьрымеидо. «Сара агәра згоит гәык-ҧсыкала Аҧсны шәшазыҟоу», - иазгәеиҭеит аҳәынҭқарра Ахада.Уи иара убас иҳәеит Борис Шьукин ихьӡ зху Атеатртә институт аҟны аҵара зҵо астудентцәа рықәгылара азал азна ауаа шеизнаго. «Ҳҿар рықәгылара зҿлымҳара аманы имҩаҧысит, азал ҭәын. Сгәы иаанагоит, ҳтәыла атеатртә ҧсҭазаара иҿыцу цәаҩак ахаҵара рылшоит ҳәа. Ҳауаажәлар ақәыргыламҭа ҿыцқәа ирзыҧшуп, ари абиҧара ҿыц еицырдыруа ҳактиорцәа инарывагыланы, Аҧсны атеатртә ҧсҭазаара ҧхьаҟа аҿиара иацхраауа ируакны иҟалоит », - иҳәеит Рауль Ҳаџьымба


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org