Аҧсны Аҳәынҭқарра Ахада

 

Рауль Ҳаџьымба Аџьынџьтәылатә еибашьра дуӡӡа аветеранцәа дырҧылеит

Аиааира Амш аламҭалазы Ахада Иусбарҭаҟны имҩаҧысит Рауль Ҳаџьымбеи Аџьынџьтәылатә еибашьра ду аветеранцәеи реиҧылара.

Алада икьыҧхьуп ари аиҧылараҟны Ахада иқәгылара атекст.

* * *

Акыр иаҧсоу аветеранцәа!

Азин сышәҭ гәык-ҧсыкала шәаргьы, шәара инашәыдкыланы ажәлар зегьы иҧшьоу аныҳәа – Аџьынџьтәылатә еибашьраҟны Аиааира Амш шәыдныҳәалара!

Адунеи зыҧсахыз ари ахҭыс аҵакы есҽны иазҳауеит. 1945 шықәсазы Аҧсадгьыл ахьчаҩцәа рхамеигӡареи рфырхаҵареи ауаатәыҩса зегьы ахақәиҭра рзаанагеит.

Аџьынџьтәылатә еибашьраан аурысқәеи Асовет Еидгыла егьырҭ ажәларқәеи ирывагыланы иеибашьуан Аиааира Ду зыхәҭаа ду алазгалаз Аҧсны иалҵыз 55 нызқьҩык ауаа.

Хашҭра рықәым миллионла уи аибашьра иалаӡыз, ахааназ ҳгәалашәараҿы инхоит Аҧсадгьыл ахьчаразы игыло аҧхьаҟатәи абиҧарақәа рзы – аиааира згаз ҳара ҳажәлар рызгьы ҿырҧшыгас иҟалаз асовет жәлар рфырхаҵара.

Акыр иаҧсоу аветеранцәа! Иаҳҭахуп агәабзиара, агәамч шәыманы, ақәра ду шәыманы, аамҭақәа реимадара еиҧымҟьарц! Ҳара иҳалшо аҟаҵара ҳаҿуп шәыҧсҭазаара гәырҩа, хьаа ацымзарц. Иаҳҭахуп Аҧсны еизҳазыҕьо, ишәҭуа-икакаҷуа шәыла иабарц.

Иҭабуп ҳәа шәаҳҳәоит шәхамеигӡареи шәгәымшәареи рзы, Аҧсадгьыл абзиабареи апатриотизм иашеи рзы. Иуадаҩуп ишәықәнаго ажәақәа рыҧшаара ҳара ҳызгьы аҧхьаҟатәи абиҧарақәа рызгьы иҟашәҵаз азы.

Ишәзеиҕьасшьоит агәамч ҕәҕәа, аманшәалара.

Ҽаанбзиала шәнеиааит!


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT