Руслан Қапба Имшира идныҳәалара

Ҳаҭыр зқәу Хәанеи-иҧа!


Гәык-ҧсыкала ишәыдысныҳәалоит шәымшира. Ишәзеиҕьасшьоит агәамч ҕәҕәа, ҧхьаҟатәи аихьӡара ҿыцқәа!

Шәара авторс шәрымоуп хыҧхьаӡара рацәала акритикатә-библиографиатә шәҟәқәа, хазы игоу аҭҵаамҭақәа. Урҭ рызкыуп аҧсуа сахьаркыратә литература аклассикцәа знысыз амҩа, рырҿиара аҷыдарақәа. Шәусумҭақәа рызкыуп Л. Лабахәуа, Л.Кәыҵниа, Қь. Агәмаа, И. Папасқьыр, М. Лакрба, Б. Гәыргәлиа, Вл. Анқәаб, Х. Бҕажәба уҳәа  еицырдыруа ҳашәҟәыҩҩцәеи ҳҵарауааи аӡәырҩы.

Шәара шәџьабаа ҕәҕәа рыдуп амилаҭтә кьыҧхь, лымкаалагьы, агазеҭ “Аҧсны”, ажурнал «Ашколи аҧсҭазаареи», ҵарауҩк, еицырдыруа филологк иаҳасабала – Аҧснытәи аҳәынҭқарратә университет, Д.Гәлиа ихьӡ зхыу Аҧсуаҭҵааратә институт. Шәрылоуп Аҧсни Урыстәылеи ашәҟәыҩҩцәа Реидгылақәа.Ишәанашьоуп Д. Гәлиа ихьӡ зхыу Аҳәынҭқарратә премиа.

Агәрагара сымоуп ҧхьаҟатәи шәусураҿгьы ақәҿиара ҿыцқәа шаашәырҧшло! Анцәа ишәаҭәаишьааит агәызҩыдара, агәалаҟара бзиа!


Возврат к списку