Аҧсны Аҳәынҭқарра Ахада

 

Очамчыра, Тҟәарчал, Гал араионқәа рахь усуратә визитла ацара

03.04.2016

Рауль Ҳаџьымба аҭыҧантәи ахаланапхгара аусбарҭақәа рахь алхрақәа рыҟны ибжьы анриҭа ашьҭахь усуратә визитла дырҭааит Очамчыра, Тҟәарчал, Гал араионқәа. Аҳәынҭқарра ахада Тҟәарчали Очамчыреи алхратә ҭыҧқәак рыҟны дыҟан. Рауль Ҳаџьымба ицын араионтә усбарҭақәа рхадацәа Аида Чачхалиаҧҳаи Хьрыҧс Џьапуеи.

Ахада аҵак ду аиҭоит аҭыҧантәи ахаланапхгара аусбарҭақәа рышьақәгылара. Рауль Ҳаџьымба дазҵааит азакәанҧҵара ақәныҟәара шымҩаҧысуа, араионтә алхратә комиссиақәа русураҟны азинқәныҟәара зеиҧшроу.

Анаҩс Рауль Ҳаџьымба даҭааит Гал араион. Ара аусбарҭа Ахада Ҭемыр Надараиа дицны аинфраструктуратә обиектқәа, лымкаала, Гал араион Аладатәи азонаҟны амҩа аиҭашьақәыргылара шымҩаҧысуа дахәаҧшит.

Ахада игәаанагарала, Гал аинфраструктуратә обиектқәа реиҭашьақәыргыларазы имҩаҧысуа аусурақәа араион ауааҧсыра аиҕьтәра иацхраауеит. «Ҳара арион аинвесторцәа радҧхьалара азҧхьагәаҭаны иҳамоуп, арахь, ақыҭанхамҩахь афинанстә лагала дуқәа радҧхьалара ҳазхиоуп. Ари зегьы араион атәыла зегьы аекономика аларҵәара хықәкыс иҳамоуп», - иҳәеит Рауль Ҳаџьымба. Уи иаҵшьны иҳәеит аҳәынҭқарра анапхгара Гал араион арҿиаразы азҧхьагәаҭа дуқәа шамоу. «Ҳара иаҳҭахуп иара егьырҭ араионқәа иреиҵамкәа иеизҳазыҕьаны иҟалар», - иазгәеиҭеит Ахада.

Рауль Ҳаџьымба иара убас даҭааит Аҧсны аҳәынҭқарратә ҳәаа агәаҭара-аужьратә пункт Егры аӡиас аҟны Ҭагелан аҳаблаҟны, уи мшаҧымза 15 2016 шықәса инаркны аркразы аӡбамҭа аднакылеит Аминистрцәа реилазаара.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org