Аҧсны Аҳәынҭқарра Ахада

 

21.03.2015

Урыстәылатәи Афедерациа Аиҳабыра Ахантәаҩы Дмитри Медведев Рауль Ҳаџьымба Имшира идиныҳәалеит.

Алада иаагоуп адныҳәаларатә цҳамҭа атекст хаҭәааны.

* * *

Ҳаҭыр зқәу Рауль Џьумка-иҧа,

Урыстәылатәи Афедерациа Аиҳабыра рыхьӡала, хаҭала сара сҟынтә ишәыдысныҳәалоит Шәымшира.

Иазгәасҭар сҭахын Шәара аиҩызареи, агәылеимабзиареи, аусеицуреи шьаҭас измоу урыстәыла-аҧснытәи аизыҟазаашьақәа рыҿиараҟны шәлагаламҭа. Сгәы иаанагоит ахәаахәҭра-економикатә, аҵарадырра- техникатәи агәуманитартәи усеицура аҧхьаҟа рырҕәҕәара, иеиуеиҧшым аҟәшақәа рыҟны азеиҧш проектқәа рынагӡара ҳтәылақәа ринтересқәа рыхьчара иазкуп ҳәа.

Ҳаҭыр зқәу Рауль Џьумка-иҧа, ишәзеиҕьасшьоит агәабзиара, аманшәалара, аҭакҧхықәура ду зцу шәусураҟны аихьӡара ҿыцқәа.

Дмитри Медведев


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT