Аҧсны Аҳәынҭқарра Ахада

 

Рауль Хаџьымбеи Русҭам Минниханови реиҧылара алагамҭа

01.10.2015

Абарҭ аминуҭқәа рзы имҩаҧысуеит Аҧсны Ахада Рауль Ҳаџьымбеи мышктәи авизит ала Аҟәа иаҭааз Ҭаҭарсҭан Ареспублика Ахада Русҭам Минниханови реиҧылара

Ҭаҭарсҭан Ареспублика Ахада дызхагылоу аделегациа Аҧсны аҟзаара иалагӡаны ирҭаараны иҟоуп Аҟәеи Очамчыра араиони аобиектқәа жәпакы.

Аҧсны Ахада Рауль Хаџьымбеи Ҭаҭарсҭан Ареспублика Ахада Русҭам Минниханови реиҧылара алагамҭа:

Рауль Ҳаџьымба: Ҭаҭарсҭани ҳареи ҳаизыҟазаашьақәа, раҧхьа инаргыланы, ҳара ҳзы акыр рыҵаркуеит. Ҳаизыҟазаашьақәа еизааигәаӡаны ишьақәгылеит Аҧсны Аҳәынҭқарра ашьаҭаркҩы Владислав Арӡынба ихаан инаркны. Ҭаҭарсҭани ҳареи ҳабжьароуп аусеицуразы актәи аиқәшаҳаҭра ахьҳабжьаҵазгьы, абарҭ ашықәсқәа зегьы Ҭаҭарсҭан ҩызара ҳазнауан.

Иҭабуп ҳәа шәаҳхәоит аамҭа ҧшааны шәахьаҳҭааз. Ҭагалан мшуп, ақәагьы леиуеит , аха ҳагәқәа аартуп Шәара шәзы, шәбарагьы ҳаигәырҕьоит!

Русҭам Минниханов: Ҳаҭыр зқәу Ахада, иҭабуп идуӡӡаны иҳашәҭаз ааҧхьаразы. Иара убас иҭабуп ҳәа шәасҳәоит ҳреспублика шәахьаҭаазгьы, ҳәарада, Ҭаҭарсҭан иамоу алшара ҳасаб азуны, аусеицура ҳазыҧшуп, наҟ-ааҟ иеимаҳдаша даара ирацәоуп.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org