Аҧсны Аҳәынҭқарра Ахада

 

Кәырбан-ныҳәа адныҳәалара

24.09.2015

Рауль Ҳаџьымба аҧсылманцәа зегьы ирыдиныҳәалеит Кәырбан-ныҳәа.

Ҳаҭыр зқәу ҳауаажәлар!

Иахьа адунеи иқәынхо аҧсылманцәа зегьы мҽхакы ҭбаала иазгәарҭоит Кәырбан-ныҳәа. Акыр шәышықәса раахыс адунеиаҿы ари атрадициа иадырҳәалоит агәбылра, аҳалалра, арыцҳаибашьара, ауаҩы игәцаракра.

Кәырбан-ныҳәа иамоуп аҧсҭазааратә ҵак ду. Уи зызку, раҧхьаӡа иргыланы, ауаа реизааигәатәра, реизыразра ауп. Ҳара ҳтәылаҿы ианакәзаалакь адинқәа зегьы аилибакаара рыбжьан. Урҭ еидызкылоз хәарҭарақәан: адоуҳатә акзаара, аҭынчра, ауаҩышәара, агәҭакы бзиа реиҧш иҟаз агәуманисттә еилкаарақәа.

Иахьагьы асеиҧш аизыҟазаашьақәа аҧыжәара шрымац ирымоуп ҳаҧсадгьыл аҿы!

Аҧсынтәыла иҟоу ҳауаажәлар, иара убас адунеи ахьынӡанаӡааӡо инхо ҳџьынџьуаа, ҳдиаспорақәа зегьы гәык-ҧсыкала ишәыдысныҳәалоит абри аҧсылмантә ныҳәа ду!

Ишәзеиҕьасшьоит агәамч ҕәҕәа, ахирра, аманшәалара, аныҳәатә гәалаҟара бзиа!

Рауль Ҳаџьымба


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org