Аҧсны Аҳәынҭқарра Ахада

 

Москва имҩаҧысуаз Аҧсны Амш иазкыз аконцерт иалахәызи асасцәеи рыдныҳәалара

06.09.2015

Рауль Ҳаџьымба Аҧсны амш иазкны Москва ЖӘРАР Атеатр иаҵәаҟны имҩаҧысыз аконцерт иалахәыз Аҧсни Урыстәылеи аҟазацәа дрыдныҳәалеит.

Аконцерт Москва ақалақь Амш азгәаҭара иақәшәеит.

Адныҳәаларатә шәҟәы аҟны иҳәоуп:

"Иахьа ҳара иазгәаҳҭоит Урыстәылатәи Афедерациаҟны имҩаҧысуа Аҧсны Аҳәынҭқарра Амш. Асимволтә ҵакы аманы иҟалеит ари аныҳәа Москва ақалақь Амши ахьақәшәаз.

Москва дасу ҳагәқәа рыҟны аҭыҧ ҷыда ааннакылоит. Ари ақалақь аҭоурых беиоуп, иахьа егьырҭ ақалақьқәа инарылукаартә иҟоу, аҧхьаҟагьы аҧеиҧш бзиа ззыҧшу қалақьуп. Москва – ааҧсара ззымдыруа, абаҩхатәра змоу миллионла ауаа ирықалақьуп, милаҭрацәала ишьақәгылоу мегаполисуп, ара иеиуеиҧшым акультурақәа, амилаҭқәа рхаҭаранкцәа аҵара рҵоит, аихьӡарақәа роууеит. Нас зегьы зегьы рзы қалақь гәакьаны иҟалоит, иара убас москватәи аҧсуа диаспора азгьы.

Аҧсуа диаспора Москва иахьыҟоу есқьынгьы иаанарҧшуан иазгәакьоу Аҧсны имҩаҧысуа ишалхәдам. Москватәи адиаспора аус ацура аҳәынҭқарратә политикаҟны акрызҵазкуа хырхарҭаны иҟазароуп. Москва иҟоу ҳџьынџьуаа руаҩытәҩсатә, ринтеллектуалтә, рекономикатә лшара ҳҳәынҭқарра аргылараҟны инарҭбааны хархәара амазароуп.

Иҭабуп ҳәа расҳәар сҭахуп Москва Аиҳабыра ЖӘРАР анапхгареи Урыстәыла иҟоу Аҧсны Ацҳаражәҳәареи, Ахәаахәҭрахаҭарнакреи ҧсахрада имҩаҧнаго аусеицуразы, Аҧсны Аҳәынҭқарра Жәларбжьаратәи акультура-устә центри, амоскватәи аҧсуа диаспора ахаҭарнакцәа аҧсуа-аурыс еизыҟазаашьақәа рышьақәырҕәҕәара иазку апроектқәа рынагӡараҟны. Убарҭ рхыҧхьаӡараҟны иҟоуп Аҧсни Урыстәылеи аҟазацәа злахәу Атеатр иаҵәаҟны имҩаҧысуа абри аконцерт ".

Москва имҩаҧысуаз Аҧсны амш иазкыз

аконцерт иалахәызи асасцәеи рыхьӡала

Акыр иаҧсоу аҩызцәа!

Иахьа ҳара иазгәаҳҭоит Урыстәылатәи Афедерациаҟны имҩаҧысуа Аҧсны Аҳәынҭқарра Амш. Асимволтә ҵакы аманы иҟалеит ари аныҳәа Москва ақалақь Амши ахьақәшәаз.

Москва дасу ҳагәқәа рыҟны аҭыҧ ҷыда ааннакылоит. Ари ақалақь аҭоурых беиоуп, иахьа егьырҭ ақалақьқәа инарылукаартә иҟоу, аҧхьаҟагьы аҧеиҧш бзиа ззыҧшу қалақьуп. Москва – ааҧсара ззымдыруа, абаҩхатәра змоу миллионла ауаа ирықалақьуп, милаҭрацәала ишьақәгылоу мегаполисуп, ара иеиуеиҧшым акультурақәа, амилаҭқәа рхаҭаранкцәа аҵара рҵоит, аихьӡарақәа роууеит. Нас зегьы зегьы рзы қалақь гәакьаны иҟалоит, иара убас москватәи аҧсуа диаспора азгьы.

Аҧсуа диаспора Москва иахьыҟоу есқьынгьы иаанарҧшуан иазгәакьоу Аҧсны имҩаҧысуа ишалхәдам. Москватәи адиаспора аус ацура аҳәынҭқарратә политикаҟны акрызҵазкуа хырхарҭаны иҟазароуп. Москва иҟоу ҳџьынџьуаа руаҩытәҩсатә, ринтеллектуалтә, рекономикатә лшара ҳҳәынҭқарра аргылараҟны инарҭбааны хархәара амазароуп.

Иҭабуп ҳәа расҳәар сҭахуп Москва Аиҳабыра ЖӘРАР анапхгареи Урыстәыла иҟоу Аҧсны Ацҳаражәҳәареи, Ахәаахәҭрахаҭарнакреи ҧсахрада имҩаҧнаго аусеицуразы, Аҧсны Аҳәынҭқарра Жәларбжьаратәи акультура-устә центри, амоскватәи аҧсуа диаспора ахаҭарнакцәа аҧсуа-аурыс еизыҟазаашьақәа рышьақәырҕәҕәара иазку апроектқәа рынагӡараҟны. Убарҭ рхыҧхьаӡараҟны иҟоуп Аҧсни Урыстәылеи аҟазацәа злахәу Атеатр иаҵәаҟны имҩаҧысуа абри аконцерт.

Ҳџьынџьуаа зегьы ирыдысныҳәалоит акрыҵазкуа ари ахҭыс, москваа – Москва ақалақь Амш! Аҧсни Урыстәыла жәлари – аҭынчреи аизҳазыҕьареи!

Рауль Ҳаџьымба


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT