Аҧсны Аҳәынҭқарра Ахада

 

Венесуела Ахьыҧшымра Аамш иазкны адныҳәалара

03.07.2015

Рауль Ҳаџьымба Николас Мадуро идиныҳәалеит Боливариантәи Ареспублика Венесуела Ахьыҧшымра Амш.

Адныҳәалартә цҳамҭаҟны иҳәоуп:

Аҧсны жәлар рыхьӡала, хаҭала сара сҟынтә гәык-ҧсыкала ишәыдысныҳәалоит Боливариантәи Ареспублика Венесуела Ахьыҧшымра Амш.

Аҧсны Аҳәынҭқарра ахә ҳаракны иашьоит аиҩызареи аҳаҭырқәҵареи рыла ишьақәгылоу аҧсуа-венесуелатәи аизыҟазаашьақәа. Агәра ганы сыҟоуп аринахысгьы наҟ-ааҟ иҳалшо зегьы шыҟаҳҵо ҳтәылақәа русеицуразы иаҧҵоу атрадициа бзиақәа рырҕәҕәаразы, рмырӡразы.

Исымоу аҭагылазаашьа бзиа схы иархәаны, Шәаҳаракыра, гәахәарыла исҳәар сҭахуп ҳаҭыр дула ҳшышәзыҟоу, ишәзеиҕьасшьоит ақәҿиарақәа, аихьӡарақәа шәнапы злаку аус аҟны, Венесуела ажәлар – аҭынчреи аизҳазыҕьареи.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT