Аҧсны Аҳәынҭқарра Ахада

 

Аҩныҵҟатәи аусқәа рминистрраҟны аусуратә еилацәажәара мҩаҧысит

22.06.2012

Аҟәа, 14.00

Рауль Ҳаџьымба имҩаҧигеит Аҩныҵҟатәи аусқәа рминистрреи атәыла ақалақьқәеи араионқәеи рыҟны уи аҟәшақәа русура арҕәҕәара иазкыз аусуратә еилацәажәара.

Ақалақьтәи араионтәи амилициақәа русбарҭақәа реиҳабацәа аҳәынҭқарра Ахада аинформациа ирҭеит ацәгьаура аҿагылара аусқәеи азинеилагарақәа разҧхьагәаҭареи ирызку аусура шымҩаҧысуа азы.

Рауль Ҳаџьымба иазгәеиҭеит ацәгьауцәа рганахьала аоперативтә информациа аизгареи анализ азуреи рзы аусура арҕәҕәара шаҭаху, иара убас иҳәеит аҭыҧантәи амилициа русура аиҕьтәра аҵак ду шамоу. Уи иазгәеиҭеит Аҩныҵҟатәи аусқәа рминистрреи уи аҟәшақәеи русура арежим шырҕәҕәатәу, еиҳаракгьы акурорттә аамҭа ҳасаб азуны.

Ахада Аҩныҵҟатәи аусқәа рминистр Беслан Ҳагба адҵа ииҭеит атәыла ақалақьқәеи араионқәеи рыҟны иааиҧмырҟьаӡакәа агәаҭаратә усурақәа рырҕәҕәарзы, Аҩныҵҟатәи аусқәа рминистрра аилазаара зегьы амаҵзура арҕәҕәарахьы аиагаразы, уахынлагьы ҽынлагьы амҩақәагьы ауаа реиланхарҭақәагьы рыҟны, еиҳаракгьы аҧсшьаҩцәа ахьырацәоу аҭыҧқәа рыҟны ашәарҭадара хылаҧшра аҭаразы.

Аилацәажәараҟны иара убас иалацәажәан Аҳәынҭқарратә Автоинспекциа Аусбарҭеи агәаҭара-посттә маҵзурақәеи русура. Ахада Аҩныҵҟатәи аусқәа рминистр анапхгара рҿаҧхьа уснагӡатәны иқәиргылеиет хазхаҭалатәи автотранспорттә хархәагақәа ртехникатә ҭагылазаашьа агәаҭара аҧыхразы ажәалагалақәа разырхиара, убри аан иазгәаҭан иааиҧмырҟьаӡакәа апассаџьыри аидареи мҩанызго автотранспорттә хархәагақәа ртехникатә ҭагылазаашьа агәаҭаразы аусура шырҕәҕәатәу.

Ахада Аҩныҵҟатәи аусқәа рминистр анапхгара анапы ианиҵеит иааиҧмырҟьаӡакәа автотранспортрныҟәара аҧҟарақәа еилазго атәылауаа рганахьала аҭакҧхықәра рыдҵара арҕәҕәаразы ажәалагалақәа разырхиара, еиҳаракгьы ижәны, арҩышьыгатә маҭәашьарқәа зхы иархәаны автотранспорт зырныҟәо ахаҿқәа рзы. Ахада ирыдигалеит автотранспортрныҟәара аҧҟарақәа еилазго ацәгьауцәа рахьырхәра усхк аҳасабала аамҭала урҭ рҭакра, анаҩс автотранспорт хархәагақәа рымхра.

Аилацәажәара далахәын Ашәарҭадара Ахеилак Амаӡаныҟәгаҩ Муҳамед Кьылба.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org
АСАИТ АУС АДУЛАРА - AIT