Аҧсны Аҳәынҭқарра Ахада

 

Сергеи Шоигу Имшира идныҳәалара

21.05.2015

Рауль Ҳаџьымба Урыстәылатәи Афедерациа Атәылахьчара аминистр Сергеи Шоигу 60-шықәсаихыҵра Амш идиныҳәалеит.

Адныҳәаларатә цҳамҭаҟны иҳәоуп:

"Ҷыдала иазгәасҭарц сҭахуп Шәара Аҧсны зегьы аҳаҭырқәҵара шәшаҧсахаз. Ҳара ҳажәлар ахаан ирхашҭран иҟаӡам 1992-1993-ш.ш. Аџьынџьтәылатә еибашьраан Шәара иҳашәҭаз адгылареи ацхыраареи ртәы. Ахә ҳаракны иаҳшьоит аҧсуа-аурыс еизыҟазаашьақәа рырҿиареи рышьақәырҕәҕәареи рыҟны Шәара иҟашәҵо алагала.

Аҧсни Урыстәылеи реизыҟазаашьа аидгылареи астратегиатә усеицуреи рзы иҿыцу аҩаӡарахь ианхала, ҳтәылақәа арратә ҟәшаҟны русеицура аҵак ҷыда аиууеит. Агәра ганы сыҟоуп, ҳҳәынҭқаррақәа ртәылахьчаратә усбарҭақәа рыбжьара лҵшәабзиала аусеицура арегион аҟны аҭышәынтәалареи Нхыҵ Кавказ ашәарҭадареи рзы акрызҵазкуа лагаланы ишыҟало".

АДНЫҲӘАЛАРАТӘ ЦҲАМҬА

Сергеи Шоигу Имшира идныҳәалара

Урыстәылатәи Афедерациа Атәылахьчара аминистр,

аинрал

С. К. Шоигу

Ҳаҭыр зқәу Сергеи Кужугеҭ-иҧа!

Гәык-ҧсыкала ишәыдысныҳәалоит 60-шықәсашәхыҵра амш!

Шәара шәыҧсҭазааратә мҩа зегьы Урыстәыла дуӡӡа амаҵура иадҳәалоуп.

Ҷыдала иазгәасҭарц сҭахуп Шәара Аҧсны зегьы аҳаҭырқәҵара шәшаҧсахаз. Ҳара ҳажәлар ахаан ирхашҭран иҟаӡам 1992-1993-ш. Аџьынџьтәылатә еибашьраан Шәара иҳашәҭаз адгылареи ацхыраареи ртәы. Ахә ҳаракны иаҳшьоит аҧсуа-аурыс еизыҟазаашьақәа рырҿиареи рышьақәырҕәҕәареи рыҟны Шәара иҟашәҵо алагала.

Аҧсни Урыстәылеи реизыҟазаашьа аидгылареи астратегиатә усеицуреи рзы иҿыцу аҩаӡарахь ианхала, ҳтәылақәа арратә ҟәшаҟны русеицура аҵак ҷыда аиууеит. Агәра ганы сыҟоуп, ҳҳәынҭқаррақәа ртәылахьчаратә усбарҭақәа рыбжьара лҵшәабзиала аусеицура арегион аҟны аҭышәынтәалареи Нхыҵ Кавказ ашәарҭадареи рзы акрызҵазкуа лагаланы ишыҟало.

Ҳаҭыр зқәу Сергеи Кужугеҭ-иҧа! Шәымшира аҽны ишәзеиҕьасшьарц сҭахуп агәабзиара, агәамч, анасыҧ, Аҧсадгьыл амаҵураҿы аихьӡара ҿыцқәа.

Рауль Ҳаџьымба

Аҟәа ақ., лаҵарамза 21,2015 шықәса


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org