Аҧсны Аҳәынҭқарра Ахада

 

Арбџьар мчқәа Рыштаб хада аиҳабы ирдырра

22.05.2015

Рауль Ҳаџьымба Атәылахьчара аминистрра дыдирдырит Арбџьар мчқәа Рыштаб хада аиҳабы, Атәылахьчара аминистр актәи ихаҭыҧуаҩы Анатоли Хрулиов.

Ахада иҳәеит Анатоли Хрулиов иҿаҧхьа иқәыргылоу ауснагӡатәқәа рынагӡаразы илшо зегьы шыҟаиҵо азы агәра ганы дшыҟоу.

* * *

Рауль Ҳаџьымба: Абзиара шәымаз! Сара агәра ганы сыҟоуп Аштаб хада аиҳабы ҿыц илшо зегьы шыҟаиҵо ҳара ҳар аҧхьаҟа ахаҭабзиара иҵегьы иеиҕьхарц азы. Иҟаҵатәу рацәоуп абҵара 24, 2014 ш. аидгылареи аусеицуреи рзы знапы зҵаҩыз аҧсуа-аурыс Еиқәшаҳаҭра инақәыршәаны. Аиқәшаҳаҭраҟны иазгәаҭоуп аурыс ган активла аус ацура. Ари ахырхарҭала аусура амҩаҧгара ҳара ҳзы акраҵанакуеит. Абас Аштаб хада аиҳабы иеиҧш зыҩаӡара ҳараку аспециалист иусура ҳара ҳзы акыр иаҧсоуп, хәарҭара ду алоуп. Ҳаҧхьаҟа ишьҭоу аусқәа маҷӡам. Анатоли Николаи-иҧа идырреи иҧышәеи ҳҳәынҭқарраҟны хархәара аиуроуп. Анатоли Николаи-иҧа иҭоурых ҳофицерцәа аӡәырҩы ирдыруеит. Ари имоу аҧсҭазааратә, арратә ҧышәа ду ҳусеицураҟны ицхыраагӡа дуны иҟалоит. Ҳаҧхьаҟа иаҳзыҧшуп атәылахьчара азеиҧш цәаҳәа аҧҵара иадҳәалоу аус дуқәа, хықәкыс ҳҿаҧхьа иқәгылоу ҳасаб азуны ари аус профессионалла азнеира аҭахуп. Лымкаала абри азҵаараҿы зус бзианы издыруа аҭахуп. Шәара ари азҵаара гәцаракра дула шәазнеир сҭахуп. Ишәзеиҕьасшьоит ақәҿиарақәа!

Анатолий Хрулиов: Аҩыза Акомандаҟаҵаҩ хада, иҭабуп ҳәа шәасҳәоит Аҧсны арратә напхгара хада, Атәылахьчара анапхгаратә оперативтә усбарҭа анапхгаҩразы, иара убас атәылахьчара ахылаҧшратә, анапхгаратә, аиҿкааратә усбарҭаны аҟазааразы агәрагара ду исыдышәкыло азы. Шәара ҩ-уснагӡатәқәак азгәашәҭеит. Иахьа ҳазҭагылоу аамҭазы Атәылахьчара аминистрра иалшахьоу маҷӡам. Ҳара ҳҿаҧхьа иқәгылоуп ари аҩаӡара иҵегьы ашьҭыхра, арбџьар мчқәа ртәылахьчаратә лшара азырҳара. Ари хара имгакәа иӡбатәу уснагӡатәуп. Анаҩстәи аҳасабтәқәа – абри инаваргыланы арбџьар мчқәа реиҿкаареи рырҿыцреи ирыдҳәалоу аидгылареи аусеицуреи рзы Аиқәшаҳаҭра иҳаднаҵо аусхкқәа зегьы рынагӡароуп . Сгәы иаанагоит, ари азҵаараҿы шәара шәганахьала адгылара ҳауп ҳәа. Рауль Ҳаџьымба: иахьа Урыстәылеи ҳареи абри аганахьала ишьақәҳаргылаз аизыҟазаашьақәа, раҧхьа иргыланы, ҳара ҳзы акраҵанакуеит. Урыстәыла алшара дуқәа змоу ҳәынҭқарроуп. Уи иахьа ҳара ҳәынҭқаррак аҳасабала ҳаҕәҕәазарц азы иҟанаҵо даара ирацәоуп, даара иҳацхраауеит.

Ҳара ара ҩныҵҟала ҳшьақәгылароуп. Ҳара идҳарбароуп аҳәынҭқарра шҳамоу, аиҩызаратә еизыҟазаашьақәа раҧҵара шҳалшо. Даара аҵакы дууп арратә ҟәша аганахьала, егьырҭ ртәы сҳәаӡом, Атәылахьчара ахырхарҭала Урыстәыла иаҳнаҭо ацхыраара. Аиқәшаҳаҭра ду иацҵаны арҿиаразы аусбарҭабжьаратә еиқәшаҳаҭра азыҟаҵара мҩаҧысуашәа иҟам-ианым баша аӡәгьы имҳәааит. Ари Аиқәшаҳаҭра ҳара ҳзы даара акраҵанакуеит. Уи иазгәанаҭоит ар рзеиҧш гәыҧқәа рыдагьы, ара зыӡбахә ҳәоу Аҧсны Атәылахьчара азҵаарагьы. Иарбоуп Атәылахьчара аминистрраҟны ареформақәа рымҩаҧгара, иҿыцу абџьар хкқәа рыла аиқәыршәара. Ари зегьы иеиҟароу ҩ-ҳәынҭқаррак рыбжьара аизыҟазаашьақәа рырҿиара иазкуп, Урыстәыла ҳара ҳахьчара иашьҭоуп, ҳара мчы змоу ҳәынҭқаррак аҳасабала ҳашьақәыргылара иацхраауеит. Уи уаҳа даҽа хықәкык амаӡам!

Егьырҭ ацәгьа ҽазышәарақәа наҟ инаскьагатәуп. Ааигәа имҩаҧысз Урыстәылатәи Ахада иҧылара иаҳәо рацәоуп. Ҳара аус ҳацырур рҭахуп, аиҩызара ҳабжьазар рҭахуп. Аҧсны аҳәынҭқарра ашәагаа шдуумгьы, ҳара ҳазгьы, Урыстәылазгьы, егьырҭ аҳәынҭқаррақәа рызгьы арегионалтә шәарҭадара ашьақәыргылара ацхрааразы алшарақәа амоуп. Убри аҟнытә сара исҭахуп, шәымч зегьы иахьагьы уаҵәгьы ҳҿаҧхьа иқәгылоу аҳасабтәқәа рынагӡара иазышәкыр.


Возврат к списку

 
 
 
 
© 2015 Аҧсны Ахада Иусбарҭа, Аҟәа ақ., Амҳаџьырқәа рымҩа, 32, АҬЕЛ.: +7 840 226 46 31, АФАКС: +7 840 226 46 31
info@presidentofabkhazia.org